Page 38 - AM250131
P. 38
38 CORSOU AWEMainta Diabierna, 31 Januari 2025
Kaya Kaya ta lansa riba mercado “Amor pa Otrobanda”
KAYA Kaya a organisa e diasabra aki e prome edicion di Durante e evento aki, e bishitantenan lo por disfruta di un
un evento nobo, e mercado Amor pa Otrobanda. E activ- variedad di stand caminda lo ofrece cuminda, bebiba y otro
idad aki lo tuma luga for di 4’or di atardi pa 8’or di anochi producto, fuera di un zona infantil, un cas di arte cu e partic-
cerca di e sede di Kaya Kaya, ubica den Breedestraat, cerca ipacion di diferente artista, musica live y un serie di activ-
di e viaduct y di e parkeerplaats patras di e stacion di bus. idad orienta riba famia.
E mercado aki ta forma parti di un proyecto mas amplio
destina pa mantene Otrobanda bibo y activo durante henter
e aña. Despues di un periodo di evaluacion y planificacion,
Kaya Kaya a diseña un concepto y structura nobo p’e tipo di
evento aki cu e intencion di ofrece actividad mensual tanto
p’e comunidad local como pa turista. E idea ta pa uza e
mercado como un plataforma pa destaca Otrobanda na nivel
nacional y internacional, n’e mesun momento cu ta apoya e
empresarionan local y ta aumenta e atraccion di e zona.
E organisacion tambe a expresa su interes den mehora e
imagen di Otrobanda como un di e areanan mas desaroya
y popular den e ultimo añanan, cu e obhetivo di atrae mas
bishitante. Kaya Kaya tin e intencion di presenta proxima-
mente su kalender di actividad, proyecto y evento pa aña
2025, como parti di su plannan a largo plaso pa comunidad.
E evento aki tabata posibel danki n’e sosten di
Cultuurparticipatie, The Freedom Hotel y Curacao Tourist
Board (CTB) cu a uni pa impulsa e tipo di iniciativa cultural
aki. Amor pa Otrobanda ta wordo presenta como un opor-
tunidad pa disfruta di un atardi y anochi yena di alegria,
arte y cultura, resaltando e amor pa comunidad y p’e zona
historico di Otrobanda. Kaya Kaya ta spera cu e actividad
aki ta solamente e comienso di un serie di evento cu lo sigui
aporta dinamismo y bida n’e bario emblematico aki.
