Page 4 - Mnister Mike de Meza

Diarazon 17 Februari 2016 Pagina 7

Glenbert Croes, parlamentario di MEP:

PDVSA CITGO LO HABRI
REFINERIA DI ARUBA Y VALERO
MESTER COOPERA PA TRASPASA
TUR FACILIDAD PA PAIS ARUBA

Den un comunicado
parlamentario di MEP
Glenbert Croes a elabora
riba re- apertura di nos
refineria: “Den e ultimo
dianan aki ta diferente
noticia ta circula referente
e desaroyo di refineria na
Aruba. Un dimi tareanan
ta mantene contacto cu
PDVSA y nos por informa
pueblo cu e compromiso
di CITGO ta uno grandi
pa realiza e re-apertura
di refineria na Aruba.
Apesar cu hopi hende ta
nervioso pa cu e desaroyo
di petroleo PDVSA y CITGO
ta mira oportunidadnan
grandi pa nan compania y
di balor sumamente grandi
pa Aruba y su economia.

Tambe e posibilidadnan
di opera e refineria riba
gas y despues pa haci
esaki realizabel pa WEB
ta plannan ambicioso pa
bienestar di Aruba. Aruba
ta bendiciona pasobra
no tabata tin ningun otro
compania interesa den e
refineria y mi ta optimista cu
cosnan lo bay concretiza.
Ademas e aspecto laboral
tin nos atencion y pesey
nos lo kier percura pa tur yiu
di tera haya e oportunidad
pa haya trabao ey..

Pueblo no mester ta
nervioso pasobra e
negociacionnan pronto lo
revela e re-apertura oficial
y ta nos compromiso pa
continua na vigila e proceso
aki di cerca.
Realidad ta cu gobierno
di Venezuela , PDVSA y
CITGO tin interes grandi
y lo bay inverti 1.2 biyon
dollar den e refineria.
Pesey e ta importante pa
gobierno haci’e bon cla
na Valero pa coopera y
traspasa tur propiedad..