Page 16 - ARUBA BANK 6 OCT 2015

6 AWEMainta Diamars, 06 Oktober 2015

Lo considera
e diferente
puntonan treci
dilanti pa loke ta
parkeermeters

MINISTER di Transporte, Otmar Oduber a duna un

comentario rib’e diferente comentarionan cu ta wordo
expresa relaciona cu introduccion di parkeermeters.
Un di e puntonan cu el a menciona ta rib’e manifestacion
cu tabatin algun siman pasa. El a bisa cu te n’e
momentonan aki e no a haya e firmanan, pero cu esaki
no ta importante, pasobra loke ta importante ta pa tuma
den consideracion e diferente puntonan di atencion cu
a ser treci dilanti dor di e diferente gruponan y Camara
di Comercio.

Sr. Oduber a indica cu den e cuadro aki ta importante
pa bolbe splica cu e parkeermeters no ta produci nada
pa Gobierno, tur su entradanan ta bay pa su propio
gastonan y e resto ta bay pa Arubus pa por mantene e
subsidio cu tin, pasobra gastonan di Arubus ta sigui subi
mientras cu e tarifanan no. Gobierno a scohe pa esaki y a
bisa cu e unico adaptacion cu tin ta entrante 1 di januari
otro aña cu e tarifa general lo subi na 3 florin y esun di
scolnan na 2 florin. Mas aleu Minister Oduber a bisa cu
parkeermeters ta algo conoci mundialmente y por bisa
cu Aruba ta lat cu su introduccion pa por regula y crea
mas posibilidad pa centro di ciudad.

“No tin duda cu por ta a sinti efecto di djele, pero
tambe tin un cantidad di hende cu a sinti efectonan
positivo di djele. Logicamente e positivonan no ta yama
prensa of bise den comunidad, ta esunnan cu tin un
experiencia negativo ta esnan cu ta trece dilanti den un
voz mas halto”. Pa loke ta posibel cambionan, Minister
Oduber a bisa cu te awor parkeermeters tin un luna cu
a wordo introduci y cu e ta un proceso cu lo por conoce
adaptacionnan, manera aumento of reduccion di vaknan
blanco of geel.

Minister encarga cu Salubridad ta anuncia cu entrante
7 oktober 2015 durante 14 dia lo tin oportunidad pa un y tur
tuma conocemento na Departamento pa Legislacion y Asunto
Huridico, Oranjestraat z/n, di un peticion cu a ser haci pa
obtene un slijtvergunning pa e parcela Alablancastraat 19.
E permisonan aki ta concerni e.o. benta di bebida sterki y zwak
por detal y pa consumo únicamente otro caminda cu den e
parcela. Durante dicho periodo aki tur hende por expresa por

escrito nan obheccion contra e permisonan menciona,
dirigi na e Minister encarga cu Salubridad, via intermediacion
di Director di Legislacion y Asunto Huridico, Oranjestraat z/n.