Page 42 - AWEMAINTA

42 AWEMainta Diaranson, 31 Januari 2018

Bonaire

Double còmpliment pa compania di construccion

Lamentablemente no a haci mencion di nomber di e compania

KRALENDIJK - Siman pasa den oranan di atardi,

KPCN, Koninklijke Marechaussee (KMar) y Inspeccion
di Labor a realisá un contròl na un sitio di construccion

grandi den becindario di Aeropuerto. E contròl tabata

dirigí riba deteccion di trabou ilegal.
Total a controlá 35 trahador den construccion. No a

haña ningun trahador ilegal. Tur documento y admin-
istracion di e compania tabata na òrdo. Esaki ta bal un

còmplimènt.

Banda di esaki e gran mayoria di e trahadornan di con-
struccion tabata trahadórnan local. E compania ta haña

cu ta di gran importancia pa pèrcurá pa pone hendenan
local na trabou. Cu esaki e compania ta demonstrá cu

sigur ta posibel pa realisá un construccion grandi cu tra-

hador di construccion local. Esaki tambe ta bal un còm-
plimènt. Lamentable ta, pa duna un compliment asina,

ta bon pa menciona nomber di e compania.

E tempo benidero KPCN, KMar y Inspeccion di Labor
conhuntamente lo sigui haci contròlnan semanal pa elim-

iná trabou ilegal. Di e manera aki ta protehá tambe e

mercado di labor local, ta combatí explotacion di trabou
y ta prevení concurencia falso.

Inicio trayectoria di mudansa Institucion Hudicial JICN

KRALENDIJK - E dos fin di simannan

tras di lomba tabata den cuadro di explor-
acion di e edificio nobo p’e personal di e

Institucion Hudicial Bonaire.
Dor di ehecutá diferente tarea, nan a siña

conocé e edificio nobo bon, na un manera

activo y deportivo.
E tareanan a enfoká pisa tambe riba e ha-

bilidadnan manera traha hunto, liderazgo,
comunicacion entre nos y confianza.

Awor tur hende a dal e promé stap di e

trayectoria total pa despues por cuminsá
funcioná bon prepará den e edificio nobo.