Page 31 - AVP
P. 31
ORANJESTAD (AAN) — Nicolas Maduro tabata dispuesto pa pone 300 Miyon riba mesa
pa cuminsa cu un proyecto na Aruba. Con importante e proyecto aki tabata pa e
regimen Chavista, tabata dificil pa e Arubiano reconoce. Awe na Venezuela un situacion
sumamente peligroso pa e region ta rementa. E ta mucho mas cu e resultado di e guera
ideologico entre nacionnan liber y paisnan comunista, aunke awor por mira e motibo pa
cual Rusia kier a introduci un base militar na Venezuela.
Ayera e situacion na Venezuela tabata culmina. Personal di Asamblea Nacional a wordo
manda cas dor di e representante di grupo Maduro, cu a trata di kibra poder di Guaidó
den Asamblea Nacional pa plannan di Nicolas Maduro por wordo ehecuta.
DIARIO a bay tras di e escenario di berdad y peliger enorme di cual Aruba por a bira
un victima mas grandi cu e ta actualmente.
Ta exactamente un aña pasa, cu Nicolas Maduro a tuma rienda di Venezuela den un
intento pa kibra democracia a base di eleccion cu mundo liber a condena.
Nicolas Maduro mester a asumi presidencia pa por a cumpli cu e plan cu a wordo diseña
y cu mester a bira realidad, si na 2017 Merca no a interveni y a tuma medida.
Aruba tabata parti di e plan di futuro di Nicolas Maduro, cu a firma e acuerdo di
refineria na Aruba cu Prome Ministro Mike Eman, cu no a permiti Parlamento di Aruba
studia e acuerdo.
Si Merca no a actua no solamente Venezuela lo tabata bou maneho Ruso awe, pero
Aruba lo tabata na careda na man di Nicolas Maduro cu semper tabata tin bista riba
Aruba como posesion di Venezuela.
Na 2018 refineria no por a bira realidad na Aruba pero na fin di 2018 e introduccion di
un base militar pa Rusia dilanti costa di Venezuela lo a bira realidad. E base aki no
mester a duna proteccion pa defensa militar di ideologia, pero pa defende placa cu
tabata na wega den entre otro Citgo.
2019 mester a bira e aña di exito pa Nicolas Maduro, manera el a proclama na ocasion
di su regreso ilegal como presidente di Venezuela exactamente un aña pasa.
