Page 105 - MIN VOS MARCH 29,2016

Endy Croes y Chipen Chirino: Na timon di comision pa traha
reglas y politica pa Hall of Fame pa Americas

Saturday, 26 March 2016 11:20
Comparti

Desde October 2015 durante Congreso di CONPASA na Oklahoma USA Endy Croes a keda nombra como
presidente di un comision di Hall of Fame pa cu ful region di Americas. Conpasa ta Confederacion
Panamericano cu ta dirigi henter Americas.

Chipen Chirino tambe a keda eligi den e comision aki hunto cu Pim Fangman di Cursow, Roberto
Espinosa di Nigaragua, Nicky Medina di Ecuador y Goddfrey Been di Turks & Caicos. E comision aki tin
e tarea pa studia, investiga y skirbi ful un documento di reglas y politica con sea un atleta, dirigente,
umpire, organisador por bin na remarke pa wordo nomina pa drenta Hall of Fame di Americas. Ora
papia di Americas ta referi desde Canada, ful centro America y Caribe te Chile. Honor sigur pa nota cu
presidencia y confiansa di algo asina signicativo y importante ta wordo poni den man di un dirigente di
un isla asina chiquito. Durante algun luna a traha riba esaki mediante email y den luna di Februari Pim
Fangman di Federacion di Corsow tabata na Aruba pa 3 dia unda a intensifica tur trabou pa por a yega na
un producto final. Esaki a wordo circula pa tur miembronan di comision den (2) idioma Ingles y Spaño
pa por a ricibi un aprobacion unanime pa e comision. Julio Hellburg a asisti den parti di traducion. E
documento aki a wordo entrega na Presidente di CONPASA esta Tommy Velasquez di Puerto Rico kende
na su turno lo circule pa 31 pais miembro den Americas. Dianan 30 pa 3 di April na Valencia Venezuela
lo bay tin un Congreso di Conpasa unda lo eligi miembronan di directiva nobo pero tambe lo presenta e
documento final aki pa un aprobacion di sala. Aruba por ta orguyoso di su representantenan trahando cu
amor y passion tanto local pero ocupando puestonan di honor riba plataforma internacional. Un danki
sigur na Pim Fangman pa su gran aporte y tur lo demas miembronan di comision pa nan trabou.

http://www.24ora.com/deporte-mainmenu-7/106843-endy-croes-y-chipen-chirino-na-timon-di-
comision-pa-traha-reglas-y-politica-pa-hall-of-fame-pa-americas