Page 117 - MIN VOS MARCH 29,2016

Selecion Masculino di Aruba Softball Bond avansando den
nan preparacion

Saturday, 26 March 2016 11:24
Comparti

Selecion nacional masculino di Aruba Softball Bond avansando den nan preparacion considerablemente.
Desde 4 di Januari 2016 pre selecion di Aruba a inicia cu preparacionnan intensivo pa nan proximo
compromiso cual lo tuma lugar den luna di mei na Panama.
Despues cu Selecion di Aruba den aña 2015 a logra medaya di “Plata” den campeonato di ECASC na
Bahamas y tambe medaya di “Brons” den campeonato di CONSURSA na Bogota, ASB ta continua cu su
plan pa busca clasificasion pa Juegos Centro Americano 2018 cual lo tuma lugar na Baranquilla
Colombia. Den e proceso aki ASB a hasi un compromiso cu e atletanan cu ASB lo traha duro di su banda
pa por tin e fondonan disponibel pero e atletanan tambe mester tin e compromiso di disciplina , deseo,
dedicasion, determinacion combina cu amor, passion pa asina hunto por logra algo historico esta
clasifica despues di mas di 20 aña pa drenta Juegos Centro Americano y Del Caribe 2018. Den e proceso
aki e pre selecion lo keda hunto pa un tempo largo compitiendo den campeonatonan importante den
region pa por alkansa nan forma maximo. Proximo campeonato ta campeonato di CONSURSA ( Sur
Americano) unda porcierto 9 pais a inscribi cual lo tuma lugar na Panama. Clasificasion official pa
Juegos Centro Americano y Del Caribe lo tuma lugar na October di 2017 na Republica Dominicana. Pues
Aruba tin un plan y awor ta cuestion pa atletanan mantene nan “mindset” na esaki pa logra e meta. Kisas
no ta tur ora ta facil door cu aki of aya algo chiquito por strobe un atleta pa keda on track. Mester bisa cu
training attendance engeneral promedio ta riba 88% cual ta mustra e e seriedad y compromiso di nos
atletanan. ASB lo guia e proceso aki ten a final y ohala cu poko bendicion di nos creador nos por logra e
meta final.

Comentarionan (0)

http://www.24ora.com/deporte-mainmenu-7/106844-selecion-masculino-di-aruba-softball-bond-
avansando-den-nan-preparacion