Page 33 - MIN JUS 5 AUG 2015

DIARANZON 5 AUGUSTUS 2015
Cos cu bo ta pasa aden como victima di ladronicia
El a contami: “ Mi a bay traha riba diabierna mainta como doño
di un desktop, di un laptop, dos hard drive externo, un playsta-
tion3, varios wega di video y un (piano) teclado”.
“Ora mi a bolbe cas, mi tabata tin nada mas di esakinan. Mi ta-
bata tin tampoco mi carchi di AZV, ni mi carchi di identificacion ,
ni mi paspoort, ni mi carchi di credito Maestro, ni mi Visa ni Mas-
tercard, ni mi potretnan digital y cancionnan y algun cien florin.
Nan a keda den mi cartera riba cashi den camber. Mi a keda cu
solamente e pañanan cu mi tabata tin bisti, na manera di papia,”
el a conta.
No tin algo cu ta preparabo pa ladronicia na bo cas. Ladronnan no
ta pega un sticker na bo porta di cas, cu ta bisabo “ bo ta na punto
di bira victima di ladronicia” prome cu nan bishita bo cas pa un
kiebro.
Bo no ta pensa riba ladronicia na bo cas, te despues cu bo a bira
victima di berdad. Bo ta pensa cu esey lo nunca pasa cu bo y ta algo
cu ta pasa cu otro hende so.
Di otro banda bo por cera bo portanan y bentananan na yabi y can-
dalnan y kico mas bo por haci apart di cera bo curpa den cas? Hasta
asina awendia, ladron lo por drenta bo cas y baha bay cu tur cos.
“Pa motibo kizas cu mi tabata tin suerte di crece den un cas cu
nunca a wordo bishita pa ladronnan y den tempo cu ni tabata
cera portanan y bentana anochi, esaki tabata prome biaha cu
mi a bira victima di ladronicia”, e conoci a sigui relata. Tabata un
sentimento straño y hopi emocional, pero bo ta siña.
Su bisiña a yam’e, na cellular, na su trabao, pa cont’e cu su cas a
wordo saquea. El a pensa mes ora riba mueblenan gebolter, su-
shamento di muraya cu grafitti , yen di palabra malo skirbi, y cu su
camber y cama lo ta transforma den un dump di sushi cu mester ta
den WC.
Si bo wordo adverti di antemano di un kiebro y ladronicia, bo no ta
mira den bo mente un crimen di conveniencia den bo cas. Bo ta
hayabo cu situacion di temblor. Crimennan simpel por wordo preveni
pero crimennan cu tendencia sismico bo no por para. Bo cas ta keda
tur boltea y cu tur mueble na werki.
E ladronicia na cas di mi conoci tabata simplemente un kiebro regu-
lar. E cas tabata tin alarma cu tabata cendi na momento cu no tabata
tin hende na cas. Tabata tin un bentana di cas cu no tabata conecta
na e alarma y ta net e bentana ey, esun di baño, a usa pa drenta.
Tabata un bentana mas chikito cu tur otro y ademas poco mas halto.
Pero asina cu e ladron (nan)l a drenta, a pasa unda tabata tin sensor
di mocion cu a bira activo mes ora.
Probablemente e ladron(nan) a pasa no mas cu dos minuut den cas y
pasa man pa tur locual e por a horta den pura.
Mi conoci no a wordo permiti pa drenta su camber pasobra polis lo
bolbe cu cachonan y tabata kier e holo di e ladron preserva. A dura
mas o menos un ora te cu un bon awacero a cay mientras tanto.
Finalmente un yamada a drenta via su cellular. E polis cu cacho no
por bini mas pasobra awacero lo a laba tur pista y holo di e ladron of
ladronnan. Mi conoci por a drenta su camber por fin.
Ora bo pensa riba e relato ey, kizas un poco exagera aki of aya, bo
ta pena cu polis e momentonan ey tabata sa cu nada lo sali for di in-
vestigacion. Bo por pensa cu e ladron(nan) mester a bin cu un auto y
staciona esaki den cercania pa por a hinca e aparatonan aden. Polis
kizas a pena esey tambe y cu e cacho lo no captura holo di e auto.
Mi conoci tabata kier accion y husticia locual no tabata pasa y esey ta
cosnan tambe cu ta ponebo cunsumi.
Mi a pensa riba e tormento cu mi conoci a pasa aden. Nada di com-
putadora, nada di Ps3, tur a bay. Sin carchi di identidad, sin “hard-
drives”, sin paspoort, sin su credit cardnan, sin su carchi di AZV y sin
placa . Tur esey durante fin di siman.
DIARIO PAGINA 23
Despues di un fin di siman di miseria, tabata dialuna cu el a cancela
su carchinan di credito di ATM y su Maestro, registra atrobe pa carchi
di identidad, y esun di AZV, cambia su password di computernan
Desktop y Laptop y otronan manera e- mail etc., habri cuenta nobo
na banco, puntra na compania di telecomunicacion si por track e per-
sona cu lo por ta usa su Playstation 3, y e contesta tabata “No!”
Mescos cu no tin algo cu ta preparabo pa ladronicia na bo cas, tin
nada pa preparabo tampoco pa bo final. Mi a sinta trankil di mi, y
pensa riba e topico di ladronicia y di sintamento.
E enemigo cu ta wordo papia di dje hopi ultimo temponan ta “sinta-
mento”. Mi ta kere cu mi tin cu laga Dr. Henry Does splica tocante e
enemigo ey, pasobra riba e tereno ey si mi ta “nul, coma nul” 100
porciento.
Bo por muri den caida di avion. Bo por muri den un desgracia di
trafico. Bo por wordo tira mata riba caya. Bo por wordo comi pa un
tribon den lama na Arashi. Nan por secuestrabo, hincabo den un
lancha “Cigarette” y hibabo Venezuela of Colombia como rehen
y despues cu nan haya placa, nan ta matabo. Asina tin cantidad di
manera cu bo por muri sin cu bo ta prepara pa e tipo di morto ey.
Bo por hasta dicidi di no sali di cas y keda sinta riba stoel ta mira tele-
vision pa evita desgracia. bo ta lubida cu hasta for di stoel bo por cay.
Sintamento ta un di e placernan di mas grandi di masha hende. Sin-
tamento ta un di e cosnan favorito cu hende kier haci cu nan curpa.
Tin un asociacion fuerte entre sintamento y malesanan cronico, mi
por a lesa un tempo pasa. E palabra clave di e frase ta e palabra
“asociacion”.
Ningun hende por bisa cu definitivamente sintamento ta causa di mal
salud. Tin hopi cos cu nos no sa ora a trata sintamento cu mal salud.
Pero tin hopi indicacion cu ta wordo publica den tur sorto di corant y
revista ultimo lunanan cu ta mustra riba sintamento di mas y salud
pober. Pesey mi no kier mete cu esaki. Lagu’e pa esnan cu sa.
Mi ta corda cu den un publicacion cu mi a yega di lesa a wordo hasta
publica duracion di sintamento y mal salud. A mustra cu adultonan cu
ta sinta tanto ora pa dia ta core riesgo di tanto porcentahe di muri den
3 pa 5 aña, compara cu esnan cu ta sinta menos cu tanto ora pa dia.
Mi no ta menciona cuanto ora pa no spanta hende. Mi mes ta capaz
di spanta y stop di sinta.
Den un publicacion a wordo menciona cu sintamento di mas ta malo
pa bo salud cardiovascular y metabolico. Ta bon cu como “laiko”
den medicina, mi no sa kico e cosnan aki ta significa . Mi ta capaz di
hinca den mi cabez tur cos cu ta asocia cu cholesterol, sanger, sucu,
insulina etc. Mi no kier tin nada di haber cu e splicacion fisiologico di
esaki locual casi sigur no ta conoci ainda.
Mientras cu estudionan y investigacionnan no ta completo, loke nos
sa, ta cu riesgonan di salud ta asocia -- no causa pa, pero asocia
cu-- sintamento.
Mi lectornan por ta pensa aki: “Ahh, esaki no ta problema pa mi,
pasobra mi ta haci ehercicio.”
Esey ta robez! Bo por ta den bon condicion, pero si bo ta sinta pa
periodonan di duracion largo e enlace entre sintamento y malesa
cronico ta keda presente.
Den mi conclusion anto, mi lo tin cu puntra si e expertonan tin razon.
Si tin enlace entre morto, malesa y sintamento.
Pa motibo cu mi ta duda den tur esaki mientras cu no tin seguridad,
mi a skirbi henter e columna aki para riba mi pianan.
Juby Naar