Page 19 - AM210311

Diahuebs, 11 Maart 2021 AWEMainta 19

Accidente entre 3 auto na Piedra Plat cu hende herida

Diaranzon atardi den careda di 5’or un accidente entre tres auto a
sosode y tabatin hende herida.
Ambulance y Departamento di Trafico a presenta.
N’e sitio Polis a topa cu tres auto, dos tabata cerca di otro, esta un
Kia y un Nissan SUV, mas padilanti tabatin un Chevrolet Spark.

Den e Spark dos persona a resulta herida, un dama y un mucha.
Trafico a wordo desvia di parti pariba unda cu e Rapid Responder di
ambulance a yega. Despues di algun rato a presenta dos ambulance

cu a trata e heridonan. E auto mas patras a ricibi hopi daño material.

Dos persona herida den accidente di trafico riba

De LaSallestraat cu Van Leeuwenhoekstraat

Diarazon mainta pa mas o menos 11’or un patruya di Playa a

topa cu un accidente di trafico cu lo a caba di sosode.
Mesora Polis a baha pa controla y a resulta cu un señora di

edad envolvi tabatin dolor na pecho y dos persona mas a resulta

herida. Esnan herida n’e sitio por a compronde cu no tabata
trata di heridanan serio.

A pidi pa ambulance cu e presenta pa atende cu esnan cu mester

atencion medico, no ta importa si ta leve of no.

Falta di preferencia a hunga e rol riba e crusada aki. Na final e

ambulancenan cu a presenta a prepara e heridonan pa despues
sali direccion Hospital.