Page 4 - Djamars 15 mei 2018.pdf

4 Djamars 15 Mei 2018
SITKOM: ‘Trahadónan no firma

karta di retiro buska bo derecho’

WILLEMSTAD.- Ayera kartanan di retiro a kuminsá kai pa trahadónan di UTS. Awe tambe lo tin entrega di mas karta. Sinembargo
sindikato SITKOM ta pidi
tur trahadó pa no firma e
kartanan di retiro, pero pa
nan buska nan derecho.
Ayera tabatin entrega
di tres tipo di karta na
trahadónan, unu di retiro pa
dia 1e di yüli, e di dos karta
ta dia 31 desèmber 2018 i
e di tres karta ta pa fin di
desèmber 2019.
Den deklarashon pa
EXTRA, presidente di
SITKOM sr. Cedric Isei a
bisa di ta hasi yamada na
tur miembro di sindikato
ku a haña karta pa no firma
nada. Sindikato ta bai
kuminsá kana loke ku nan
a plania. ‘Nos ta bai kana
otro kaminda ku t’esun ku
e trahadónan tin derecho di
kana, ku ta korte. Ora nan
haña retiro, gerensia tin di
bai SOAW pa pidi pèrmit pa
kita e trahadónan. Si nan
firma sindikato no por kana
ku nan. Ora nan bai SOAW
tambe e trahadónan por
entregá un “bezwaar” pa
e forma kon ta keda kitá.
Esaki ta pone ku e kompania
mester bin ku un motibu
bálido dikon kita nan”, ta
loke ku sr. Isei a bisa. E
proseso aki di opheshon ta
tuma su tempu.
Ayera e sindikato a
sinta ku su konsehero
i huristanan i papia dje
proseso nan.
E CAO di trahadónan di
UTS ta bisa ora yega den
“afvloeing”, trahadónan tin
di haña 6 luna di salario.
‘UTS ta duna nan 2 luna
adishonal pa nan mes
pidi “afvloeing”. UTS ta
hungando un wega pa di tal
manera e kantidat di hende
ku bai SOAW pa haña pèrmit
di retiro ta bira ménos. P’esei
e sindikato ta hasi yamada
na trahadónan pa no firma,
i pa kana e kaminda ku nan
tin derecho riba dje.
Despues ku kaba di
Sigui lesa pagina 38