Page 40 - Djamars 15 mei 2018.pdf

40 Djamars 15 Mei 2018
Kontinuashon di pagina 9
Pa aña 2030 enseñansa

miembro asosiá di
Unesco i nashonnan Uní riba
20 di òktober 2011; Unesco
tin un vishon konosí riba
edukashon; pa aña 2030
un di e metanan duradero
i sostenibel di Nashonnan
Uní ku ta enserá sigurá
un edukashon inklusivo,
ekitativo i di kalidat ku
ta promové enseñansa
duradero pa un i tur i ku tin
komo ophetivo ku tur mucha
ta sigui un enseñansa
grátis, ekitativo i di kalidat,
tantu primario komo
sekundario pa por yega
na resultado edukashonal
efektivo; Areglo di Estado
di Kòrsou ta duna di konosé
ku enseñansa ta un kuido
kontinuo pa gobièrnu di
Kòrsou.

Mas aleu Kòrsou konosé
un lei nashonal di aña
1991 ku ta regla enseñansa
obligatorio, kaminda ta
duna indikashon ta denter
di kua edatnan mucha
i hóbennan mester tin
edukashon obligatorio;
e aktual gobièrnu tin un
vishon pa ku enseñansa
deskribí den tantu e Akuerdo
di Gobernashon 2017-
2021 komo e Programa
di Gobernashon “Realisá
e máksimo potensial di
Kòrsou”; Sifranan resien ta
indiká k 34.9% di hóbennan
entre 15-25 aña ta dròp out;
ku gobièrnu di Kòrsou tin e
kompromiso pa garantisá
un enseñansa kalitativo,
ekitativo i pagabel ku e
meta pa yega na 0 dropout;
Konsiderando e manera
ku Enseñansa Liber a ser
introdusí na aña 2012 sin
ku e instrumentonan tabata
na lugá i ku te awe ta sinti e
efekto di esaki; Minister di
Enseñansa, Siensia, Kultura
i Deporte, sra. Marilyn
Alcalá-Wallé a indiká na
Parlamento ku e ta hasiendo
un evaluashon total di
maneho di Enseñansa Liber.
Ta disidí:
Pa urgi gobièrnu di
Kòrsou pa inventarisá tur
e puntonan di atenshon pa
loke ta trata introdukshon
di Enseñansa Liber;
Pa urgi gobièrnu pa hasi
tur adaptashon nesesario
di un forma responsabel
teniendo kuenta ku e
punto di salida di metanan
duradero i sostenibel pa
aña 2030 ku enseñansa
mester ta grátis, ekitativo i
di kalidat.
E moshon aki a keda
akseptá den Staten ayera ku
11 voto na fabor i 7 kontra.