Page 41 - MIN VOS
P. 41
Un delegacion hubenil den e deporte di moutain bike proximamente lo ta saliendo pa e
pais di Peru unda nan lo competi den e Copa America 2017.
E grupo aki lo tin un compromiso grandi dentro di algun luna unda nan lo representa
Aruba den e di dos edicion di e Weganan Sur Americano Hubenil na Santiago de Chile. E
competencia na Peru lo sirbi como un preparacion extra pa e atletanan di mountain bike
cu lo competi den e ODESUR Hubenil. Mester bisa cu ya pa algun luna caba e seleccion
ta entrena pa varios ora pa siman y den forma intensivo. Mas cu claro nan lo mester
aclimatisa na e clima y haltura na Peru y despues tambe na Chile. No obstante di esaki,
nos seleccion lo duna bon bataya contra di miho coredornan di mountain bike hubenil den
e continente Suramericano. E seleccion di Aruba ta consisti di e coredornan Michelle van
Vliet cu lo core den e Pre Junior Women y Indy van Vliet cu lo core den e Pre Juniors
Men.
