Page 21 - PATRICK
P. 21
Hues a bisa cu den ningun regla ta para cu e Presidente por tuma e decision pa prohibi un persona pa
drenta edificio pa 3 luna. Pues e Presidente no tin e poder pa prohibi pa drenta Parlamento pa cierto
tempo. Ademas a wordo menciona cu e decision a bini despues di e reaccion emocional di Andrade
na radio. E decision ta bisa cu politiconan mester tin lomba mas hancho pa criticanan, manera esun
cu Andrade a haci. Esaki no ta motibo pa tuma un decision mesclando e dos sucedidonan cu otro.
Loke el a bisa na radio no ta motibo pa tuma un sancion contra dje den Parlamento. E ta bisa cu e
Presidente no a separa e dos sucedidonan. El a uza un atake (cu el a sinti asina) riba dje pa actua
tumando un decision como Presidente di Staten. “Corte ta haya esaki no corecto,” Hues a bisa.
El a bay di acuerdo cu e demanda y esaki ta nifica cu Gobierno mester paga e gastonan di e proceso
di banda di Nelson Speed Andrade.
