Page 9 - AM191123
P. 9
Diasabra, 23 November 2019 AWEMainta 9
Jetsbelisse Koolman
y sra. Rica Koolman
ganadornan di
Aruba Lions Club
Aruba Lions Club tabata tin un campaña riba su facebook page, Lions Club
of Aruba unda cu publico por a like, comment y share e post di e bingo y ta
participa pa por gana 5 tickes gratis pa e bingo di Aruba Lions Club dia 23
di November na Club Caiquetio.
A saca 5 ganador kende cada un ta gana 5 ticket cu ta duna bo 150 chance
di gana un premio cash of un di e bunita door prizes. E di cuater ganador
a resulta Srta. Jetzbelisse Koolman y e di cinco y ultimo ganador a resulta
sra. Rica Koolman. Nan a ricibi nan premio for di mannan di Lion Bibi Ar-
ends y Lion Gerardo Figaroa. Pa e anochi aki tambe ta rifa pa solamente
fl 5 pa rifa un 65 inch Smart TV pa cortesia di AMC UNICON. E bar y
cushina lo ta hopi bon surti y lo tin waitress cu lo sirbi bo na mesa y yuda
bo cu loke bo mester di come of bebe. Pa publico cu ta buscando ticket pa e
gran bingo aki lo tin oportunidad di cumpra esaki prome cu bingo cuminsa
for di 2or di atardi na Club Caiquetio mes.
E actividad aki ta pa Aruba Lions Club recauda fondo pa sigui cu e trabao
nan pa comunidad. Un biaha mas tur fondo recauda ta bay bek na comuni-
dad. For di awo caba masha daki pa respalda Aruba Lions Club.
Dialuna 9 di december ta e ultimo
dia pa entrega declaracion di
inkomstenbelasting 2018
Departamento di Impuesto ta informa cu dialuna, dia 9 di december
2019, ta e ultimo dia pa entrega e declaracion di inkomstenbelasting
2018. Lo no tin mas prolongacion di termino.
Departamento di Impuesto ta haci un apelacion na su clientenan pa
tene bon cuenta cu e fecha final di 9 di december proximo y no warda
te na ultimo pa entrega e declaracion. Door di yena y entrega e for-
mulario na tempo, e cliente ta evita cu e ta haya un cobransa taxativo
cu boet. Ademas pa medio di e declaracion, e cliente ta haya e opor-
tunidad pa haci uzo di su derecho di deduci su gastonan.
Por sigui tur informacion di Departamento di Impuesto riba e pagina
di Facebook: https://www.facebook.com/impuestoaruba/ of via www.
impuesto.aw pa keda bon informa.
