Page 68 - MIN MIKE DE MEZA

Awe 31 di augustus un biaha mas dump pa cendi na candela. E situacion ta di lamenta
despues cu e mandatario encarga Mike de Meza a para dilanti di dump y a duna speransa
na e bario y e comunidad di Aruba unda cu lo atende cu e caso , sinembargo esaki no a

sosode un biaha mas.
E mandatario no ta prome biaha, pero na varios ocasion a demostra cu no ta cumpli cu loke

ta pone dilanti riba e situacion di dump. E biaha aki un biaha mas e dump ta na candela
y nada no a wordo haci. No ta un secreto cu Aruba no tin leynan pa conserva e medio
ambiente y tampoco nos flora y fauna , pa es motibo aki mes gobierno ta rosa y haci daño
rond di Aruba kitando nos matanan di kwihi y mata parhanan importante di nos naturalesa.

Varios ciudadano ta rabia y hostina riba e situacion aki y di un proyecto cu no a keda pidi
dor di pueblo. Aunke cu e mandatario no ta pone atencion y of no ta pone pa Aruba tin bon

leynan pa conserva nos medio ambiente pa nos futuro generacion e daño na comunidad a
keda.
Aruba ta vota y duna confia den mandatarionan cu ta traha pa pais Aruba sinembargo den
e gobierno actual ta bisto kico ta e prioridad . Minister Mike de Meza den un comunicado di

prensa ta papia di otro aña lo cuminsa bora pa gas y petroleo, pero awe den
presente Aruba completo ta sufri di e situacion di dump, no solamente e bario di simon

Antonio, pero tambe e otro barionan den bisindario. Pesey abo ciudadano ta importante pa
bo ta consciente y analisa pa ken bo lo deposita bo voto di confiansa dia 22 september
awo.