Page 9 - Ecotech 1 April'15

Ningun hende no paga Serlimar pa piki sushi

· Mar 31st, 2015
· Local

Carta cu un recibo a yega casi tur cas na Aruba pa loke ta cobramento di Serlimar pa piki sushi pa cual
aki presidente di FTA, Rudy Geerman, ta bisa bon cla pa ningun hende paga esaki.
E ta sigui splica cu esaki por sosode te ora cu yega na un acuerdo. Ta imposibel y inacceptabel cu
diripiente den e caso aki na Serlimar ta opta diripiente pa cobra den e casi aki, casi 27 florin, y sin
realmente haci un estudio,
Ora cu a bay reunion cu e minister, na tene cuenta cu e aspecto social. A hinca tur cos den e mesun
macutu y tur hende mester paga mesun cos.
Gobierno a acepta argumento di FTA pakico nan ta contra di e aumento. Nan a keda di yama pa sigui
combersa y bisa cu lo tin algun datos cu nan lo mester bay averigua y te na e momento ey e reunion no a
tuma luga.
Varios hende a yama FTA y a bisa tur hende pa no worry, si haya e recibo, ta derecho di Serlimar, pero
warde y no paga ningun cen mientras cu no yega na un acuerdo.
Si no tin un acuerdo, pago no mester wordo haci. Serlimar mester sigui duna e servicio cu e tin cu duna.
Ta derecho di cualkier ciudadano pa haya e recibo ey. Serlimar mester sigui duna servicio.
Si en caso cu Serlimar no piki sushi, si yega dje leu ey cu ciudadanonan no haya e servicio, lo sali
padilanti. Tin un responsabilidad den e caso aki pa tene e pais Aruba limpi. De e sistema di belasting cu
nos ta pagando caba, ya caba ta inclui un parti di esey. Ta pidi pueblo keda trankil, no paga nada , pero
warda te ora cu tin un solucion.
Geerman ta pidi pa pueblo no sinti su mes confundi. E urgencia pa cobra ta Serlimar cu a ta un compania
estatal. Gobierno ta doño di Serlimar. Si realmente ta interesa pa cobra, e ora mester a yama FTA pa
sinta na mesa. Mientras cu nan no yama, ta nifica cu tampoco nan ta cla con e cobramento tin cu bay. Si
e bay demasiado lihe y ta ripara cu cosnan no a bay bon, ta pa e motibo ey Gobierno ainda no por yama
e sindicato.
Mientras cu e no ta cla, e ora ey no por cobra y tur hende tin cu keda trankil.
Tin diferente alternativa pa loke ta e tarifa. Pero kier sinta prome cu gobierno pa por haya sa ki cifra nan
tin pa asina hunto yega na e mihor cobransa, Geerman a comenta.

http://masnoticia.com/ningun-hende-no-paga-serlimar-pa-piki-sushi/