Page 6 - AWE MAINTA MARCH 12,2016

6 AWEMainta Diasabra, 12 Maart 2016

Prome Minister
Mike Eman cu
reconocemento
pa Paulus
Ostendorf, pa
su bida, su
obranan y su
dedicacion

DIAHUEBS mainta a comparti momentonan

hopi special den compania di famia y amigonan di
Meneer Paulus Ostendorf.
Oficina di BoBario hunto cu Ministerio di Asunto
General a organisa un ceremonia di reconocemento
p’e gran maestro, boluntario y ciudadano, entre
otro.

Hopi ta recorda Meneer Ostendorf di Maria College
MULO, pero hopi otro mas ta record’e di Gerardus
Cursus, unda e gran ‘Arucamba’ aki, manera e mes
ta referi na su mes, a sa di aporta grandemente na
nos isla riba varios otro tereno.
Banda di su señora, Ida van den Erf, meneer Paulus
a presencia con ex-studiantenan di Maria College,
Gerardus Cursus, pero tambe amigonan di Aruba
Flying Club, Mariniers Kazerne y Arubaanse
Zwembond a expresa e diferencia grandi cu su
presencia y ehempel a haci den nan bida.

Minister President Mike Eman tabatin palabranan
di elogio, pero sigur tambe di danki pa Meneer
Ostendorf y tur loke e ta haci y ta nifica pa nos
comunidad.
Pa Prome Minister tabata un honor y placer di
presenta na Meneer Ostendorf un precioso escultura
di Shoco cu un plakaat den cual ta duna danki y ta
reconoce pa su bida, su obranan y dedicacion.
Tabata un mainta hopi emotivo. Pastor Vlaar di
Mariniers Kazerne a comparti un bunita oracion
y Meneer Ostendorf mes no por a sconde su
sentimentonan di sorpresa, emosion y humildad.

El a comparti algun anecdota colecta di hopi
experiencia den bida. Tambe a mustra su invitadonan
e cura grandi yen di mata y bestianan cu e ta
mantene awendia como hobby ademas di colecta
antiguedad.
Ex-alumnonan a expresa palabranan bunita pa
describi e impacto cu su persona tabatin como
docente riba nan y ta califik’e como un berdadero
Arubiano cu un amor y dedicacion grandi pa nos isla.