Page 24 - ANTILL DGB

24 ADVERTENTIE Antilliaans Dagblad Woensdag 16 oktober 2019

Na aña 1998 Refi neria Isla a fi rma un kontrato ku loke awe ta Curaçao Refi neria Utilities (CRU) pa entrega
di utilidat na e refi neria. Ku esaki a nase un relashon kompliká kaminda tantu Refi neria Isla komo CRU
tin obligashon pa ku otro, tantu Refi neria Isla komo CRU tin obligashon di entrega di produkto i pago un
pa ku e otro.

Ultimamente komunidat por a sigui alegashonnan di parti di Refi neria di Kòrsou (RdK) ku Refi neria Isla
tin debenan serka CRU. Refi neria Isla semper a duna di konose ku pa Refi neria Isla esaki ta mas ku
simplemente un debe ya ku CRU tambe tin debe serka Refi neria Isla. Pa Refi neria Isla mas bien por pa-
pia di un disputa ya ku e loke CRU debe Refi neria Isla ta básta mas tantu ku loke Refi neria Isla debe CRU.
RdK komo doño di CRU na mas ku un okashon a sinta na mesa ku Refi neria Isla pa diskutí e topiko aki.

Refi neria Isla semper tabata dispuesto na yega na un akuerdo pa resolvé e asuntu aki. Defakto Refi neria
Isla tabata bou di e impreshon ku e kosnan tabata bayendo den e direkshon korekto pa yega na un
solushon ku ta aseptabel pa ambos partido.

Grandi tabata Refi neria Isla su sopresa ora ku ayera 15 di òktober, Refi neria Isla a keda sorpresá pa un
beslag di RdK fechá dia 27 di sèptèmber. E sorpresa tabata grandi pasombra no mas ku 4 di òktober Re-
fi neria Isla a sinta na mesa ku RdK netamente pa diskutí Refi neria Isla su plannan pa bolbe trese krudo
Kòrsou pa asina pone e refi neria bèk den operashon i generá entrada. Entrada ku lo usa pa kumpli ku tur
kompromiso.

Refi neria Isla tin i a mustra tur intenshon pa sigui kumpli kabálmente ku tur su obligashonnan fi nansiero
ku e tin ku su trahadonan, kontratistanan, suplidornan, CRU i RdK. Hústamante pa esaki tambe a hasi
hopi esfuerso pa logra trese krudo Kòrsou i asina bolbe kuminsa generá entrada pa por kumpli ku tur
partido inkluso CRU i RdK. E esfuersonan a duna fruta i krudo a yega Bullenbaai djasabra ultimo.

Pues pa Refi neria Isla ta kompletamante inkomprendibel ku nèt awor ku tin krudo, RdK ta pone un beslag
ku ta hasi imposibel pa por usa e krudo pa pone e refi neria bèk den operashon.

E beslag ku RdK a pone tin konsekuensianan grandi. E beslag aki ta riba krudo, produkto refi ná,
muebilario i inventario. E beslag tambe ta hasi imposibel pa Aqualectra por sigui paga su debe na
Refi neria Isla. Refi neria Isla ya no por entrega fuel mas na CRU ni Aqualectra. Meskos tampoko Refi neria
Isla no por hasi uso di ningun material ku tin den stòk. Pues e beslag aki práktikamente ta paralisá
Refi neria Isla por kompleto.

Refi neria Isla no ta kere ku ta RdK su intenshon pa hasi daño na Refi neria Isla i tur hende ku ta depende
di Refi neria Isla.

Pa medio di esaki, Refi neria Isla ta hasi un apelashon pùbliko na RdK pa kita e beslag i bai bèk mesa pa
yega na un solushon. Un solushon ku ta enserá pago di Refi neria Isla na CRU i pago di CRU na Refi neria
Isla. Hústamente awor ku tin un lus pa e refi neria no por permiti pa krea un situashon ku por bira kaòtiko
pa tur partido embolbí. Refi neria Isla semper a kumpli i a komporta su mes komo un bon miembro di e
komunidat di Kòrsou. E situashon ku Refi neria Isla a haña su mes aden ta púramente pa faktornan ekster-
no ku Refi neria Isla no tin ni arte ni parte aden. Esaki tur hende sa tambe. Despues di tur e esfuerso ku
Refi neria Isla a hasi durante di e último lunanan pa tene kabes riba awa, e úniko kos ku Refi neria Isla ta
pidi awor ta espasio pa por operá i generá entrada ku lo ser usa pa paga trahadonan, paga kontratistanan,
paga suplidornan, paga CRU i paga RdK.