Page 25 - 02Feb2022
P. 25
DIARANZON 2 FEBRUARI 2022 DIARIO PAGINA 25
E club Ingles ‘Everton Football
College & Free School’ a practica
cu Atletico Santa Fe!
ORANJESTAD (AAN): Durante e siman cu a pasa e
club di futbol Atletico Santa Fe su teamnan di U11, U15
y Division 1 tabata tin e honor di ricibi e club ingles
Everton Football College & Free School pa training
di futbol y tambe a hunga un wega amistoso hunto cu
e 8 aspirantenan di ASF pa bira entrenador di futbol.
Miembronan di Directiva presente a
duna e bishitantenan for di Liverpool, UK un
caluroso bon bini na veld di Atletico Santa Fe.
Vice presidente di e club di futbol Atleti-
co Santa Fe, Ted Johnson, a meet tambe cu Steve
Baker y Joe Parkinson especialmente pa intercam-
bia ideanan pa mehoracion di e club y pa samen-
werking den desarollo di veld di ASF como tambe
pa support den players y coaches’ development.
ASF tin varios ‘star’ players cu sigur por
hasi uso di esaki y ta kla hasta pa bay exterior!
Directiva y Miembronan di ASF kier gradici
Stichting Tur Cos Ta Posibel, Student Experience
Manager David James y Coach Joe Parkinson di
Everton Football College & Free School pa a duna
nan e gran oportunidad aki.
