Page 4 - MIN TTC 10 DEC 2015

Tur lote di bandera cu yega Aruba lo wordo
controla
Wednesday, 09 December 2015 23:51
Comparti

Tur hende por importa bandera na Aruba. Tin cu haci un peticion via departamento di cultura. Nan ta
esunnan cu tin e rekisitonan. Tin cu wak kico ley ta prescribi tambe y una bes cu haci e pedido of haci e
peticion den e caso aki, ta pidi un vergunning, na departamento di cultura pa por importa bandera, nan lo
duna e condicionnan.

Una bes cu tin un muestra cla di esaki, e mester wordo entrega tambe na departamento di cultura, pa por
confirma prome cu e cargacion bin, cu en berdad e ta cumpli cu ley, pa loke ta trata etica di bandera y na
momento cu nan yega Aruba tambe, hunto cu douane, lo controla e lote di banderanan cu ta yega pa
confirma en berdad cu nan ta conforme e muestranan cu a wordo entrega originalmente na departamento
di cultura y cu a haya aprobacion tambe di importacion.

Sino e ta wordo confisca automaticamente. Mescos ta tuma luga tiendanan rond di Aruba, of puntonan di
benta cu no tin’e conforme ley. No solamente nan ta wordo confisca, hasta le ta papia di un boet cu ta haya
na momento cu ta bende bandera di colornan cu no ta conforme ley.

Minister Oduber ta sigui splica cu awor aki ta bin e parti di implementacion pa loke ta control cu ta tuma
luga na puntonan di benta. Pero ya caba e ley aki a drenta na vigor for di comienso di e aña aki. O sea tur
hende ta na altura y a wordo publica tambe cu tur hende ta na altura cu no por importa y e problema no ta
tanto den importacion cu lo por tuma luga den ultimo lunanan.

Mas lihe cu ta hendenan cu lo a cumpra un lote grandi. Den pasado cu a purba ainda di sigui bende
esakinan pa nan no bay perdi, pa nan sa cu ta duna un periodo di casi 1 aña awor aki pa nan por dicidi
kico nan ta haci cu e materialnan aki, pero awor aki a yega e punto di control, caminda cu ta bisa cu no
por bende esaki mas. E no ta permiti. Ya caba for di 1 aña pasa casi, ora cu drenta januari 2016, cu e ley
aki drenta na vigor, tabata suficiente tempo pa tur hende cu tabata bendedor of puntonan di benta di
bandera na Aruba, por a bestel e bandera conforme nos regla, conforme nos leynan y conforme e color cu
originalmente nos bandera 40 aña pasa, cu lo celebra otro aña, a wordo originalmente pasa door di ley
den parlamento di Aruba, minister Oduber a splica.

http://www.24ora.com/politica-mainmenu-18/103027-tur-lote-di-bandera-cu-yega-aruba-lo-wordo-
controla