Page 14 - MIN ARENDS

16 AWEMainta Diabierna, 25 Augustus 2017

Dakota contento cu trabou di AVP
Dakota contento cu trabou di AVP

den Gobierno y kier sigui Padilanti
den Gobierno y kier sigui Padilanti

DIABIERNA den un ambiente total lider di AVP Mike Eman a
cana den Dakota, compaña pa candidatonan di AVP manera Benny
Sevinger, Marlon Sneek y Gerlien Croes. E team di AVP a cana for
di Tarabana te na Plasa John Wowo, den Caya Juan Pablo Duarte.

Famianan di Dakota tabata contento cu ademas di nan candidato,
lider di partido AVP Mike Eman y otro candidatonan tambe a bishita
nan bario. A papia cu e habitantenan rib’e programa di AVP cu ta
campañando cu ne pa sigui goberna pais Aruba.

Asina p. e. a papia con e ultimo cuatro añanan, AVP a traha duro
pa reforsa e base di henter nos sistema di Salubridad Publico dor di
crea e sistema di Inspeccion di Cuido di Salud y sigurando un fluho
importante di entrada dor di pone un parti di e “sales tax” den esaki
pa mehora e sistema di cuido di salud.
A splica cu den e añanan cu ta bini nos mester sigura cu e grupo di
dokternan di cas den e prome linea di cuido ta cubri mas tanto e cuido
di nos pashentnan y enfoca riba prevencion di malesa.

Mas ainda, nos mester brinda e espacio pa nos specialistanan medico,
den e di dos linea di cuido, por provee un nivel mas halto di cuido
specialisa cu aworaki ta logrando.
E cambio aki den e sistema no solamente lo mehora e calidad y e
acesibilidad na e sistema di Cuido Medico pero tambe ta mehora e
eficiencia den nos sistema y ta baha e gastonan.
A splica esaki ya cu Cuido Medico semper ta un aspecto importante
di e ciudadanonan.

Pa e motibo aki y otro aspectonan den otro sector ta importante pa
AVP haya confiansa di e pueblo bek dia 22 di september awor y sigui
Padilanti cu e progreso logra caba y cu e mehoracion di calidad di
bida caba di yega na e barionan cu falta ainda.
E reaccion di e habitantenan tabata positivo, na varios cas rib’e ruta
aki bandera berde a bay halto como muestra di apoyo na partido berde.