Page 42 - MIN ARENDS
P. 42
wordo transmiti den nan productonan. E creatividad tabata e fuente y e balor
agrega pa e productonan nobo cu nan a presenta. Riba e pop-up day tur cos a
culmina cu e realisacion di ocho negoshi nobo, akinan bo ta wak unda e
gruponan a uza e conocemento cu a wordo acumula den e 3 siman.
Ramsis Arends, Project Leader di Global Shapers ta elabora cu ‘e proyecto aki ta
algo cu tabata hopi necesario pa nos hobennan. Entrepreneurship no ta wordo
duna na scol y e ta crea habilidadnan cu tur hoben por uza den nan bida diario.
No tin nada mas miho cu wak con tur cos a resulta den practica. Tres punto cu
a destaca di e fin di siman ta: 1. Ora un persona a ofrece e hobennan pa
cumpra nan idea/negoshi, 2. Ora un organisacion a haci un pedido grandi na un
di e gruponan pa nan producto y 3. Na final di e dia un di e participante nan a
bisa “Aki paar di aña bo lo bay tende nomber di mi negoshi”. Momentonan asina
ta loke ta haci cu bo ta realisa e impacto positivo di e trabou haci.’
Di parti di Global Shapers Oranjestad nos kier a yama danki na tur participante
di Good4TheNeighborhood 2017 Building Entrepreneurs como tambe tur
persona cu den un forma of otro a asisti na creacion di e programa aki. Un
danki special ta bay na Aruba Bank cu a kere den e proyecto aki for di comienso
y a haci esaki un realidad.
Un danki special ta bay tambe na ARC Digital cu como partner di Global Shapers
a asisti den e creacion di e programa y contenido di e proyecto aki. Danki tambe
ta bay na E. E. Venture, Yabi Consultancy, Cornerstone Economics, Aruba Aloe,
Man Cave Barber Lounge, Kamer van Koophandel Aruba, Universidad di Aruba,
Erasmus Business Planning y The Vault cu a sostene e proyecto.
