Page 35 - HOH
P. 35
di Salubridad Publico Dangui Oduber, el a confirma cu investigacion ta andando y e
personanan concerni ainda no a reanuda trabou.
E mandatario a ordena un investigacion (quick scan) espues di denuncianan publico di
fraude y malversacion den e laboratorio na hospital. A base di informacion ricibi den e
quick scan, a dal e siguiente paso cu tabata e investigacion forensico. For di inicio a bisa
cu e investigacion forensico lo tuma rond di 3 luna, pues nan tin un luna mas pa finalisa e
parti aki.
Pa e investigacion por tuma luga di un forma independiente, a schors e personanan cu ta
sospecha di ta envolvi. Si resulta na final cu cosnan incorecto a tuma luga y e personanan
ey ta envolvi, mester entrega un keho penal pa “wordo persigui penalmente pasobra no
por t’asina cu negoshi ta wordo haci cu salud di hende. Esey ta loke tabata pasando.”
El a splica cu testnan cu supuestamente a wordo haci na Hulanda y paga p’e, a resulta di
a wordo procesa aki na Aruba mes. Pues a traha riba nan despues di oranan di trabou aki
na Aruba. Pero no mas tarda aki 4 siman mester tin claridad,” e mandatario a bisa.
Na final nos lo haya si e acusacionnan tin base of no.
https://24ora.com/den-un-luna-investigacion-forensico-na-hoh-ta-cla/
