Page 54 - HOH
P. 54
Mester menciona cu for di inicio di e reunion, por lo menos dos Parlamentario cu ta
sostene coalicion a bisa bon cla di ta contra e ley pa diferente motibo. Probablemente
esey ta pone cu e 10 asientonan na fabor, no lo logra pa e ley aki pasa y asina haci
Serlimar di un compania practicamente bancarota, pa un compania solido y cu mas cu
dobel di e entradanan cu e tin actualmente.
Trahadonan
di EcoTech/EcoGas y companianan afilia na MetaCorp sinta den sala di Parlamento
siguiendo e reunion di cerca. Nan ta teme cu si e ley pasa manera proponi, cu e lo nifica
final di e companianan EcoTech y EcoGas.
E reto mas grandi no ta cu mester salba Serlimar of no, sino cu Parlamentarionan a ripara
cu ta hopi obvio cu e mandatario, den forma delibera, a redobla e gastonan di operacion
di Serlimar. A yena e compania cu trahado, a firma contract di huur caro di e edificio na
Pos Chikito, lease di auto, contract cu compania amigo pa traha riba Ser’i Tijshi y asina
por sigui menciona.
