Page 15 - AM210902

Diaranson, 1 September 2021 AWEMainta.com 15

Brazil Taekwondo Stichting a duna

training na tur esnan cu a presenta

Durante vakantie di scol Brazil Taekwondo Stichting
a habri su portanan pa tur esnan cu a presenta
y tabata interesa di siña kico ta Taekwondo. Entre

20 cu 30 di augustus training tabata gratis hunto cu
e team di Train Hard Fight Smart.
Tur training a tuma lugar den e gymzaal di
Tarcisius Kleuterschool situa na Brazil 39-A, patras

y panort di Misa di Brazil.
Brazil Taekwondo Stichting su team di faha
preto tabata contento di por a aporta n’e muchanan
cu a bin pa prome biaha pa les di Taekwondo. E

training tabata dificil p’e chikitonan cu a bin pa
prome biaha.

Muchanan di 5 te cu 14 aña a train for di 5’or pa

6’or di atardi y for di 15 aña bay ariba a train for di
6’or pa 7’or di anochi. Training tabata ariba dialuna,
diaranson y diabierna.
Tur e muchanan cu a bin nobo pa train a bin cu

hopi animo pa siña Taekwondo y ta cla pa forma
parti di e team di Train Hard Fight Smart di Brazil
Taekwondo Stichting. Ellon Donker y Gilson Lourens
for di Corsou a informa cu nan ta train caba y ta

preparando pa Aruba.

Ayera 1 di september a sigui cu e meta cu training ta
bay avansa pa prepara e team pa Surinam y Corsou,

segun Alberto Klabér di Brazil Taekwondo Stichting.