Page 2 - AM200415

2 AWEMainta Diaranson, 15 April 2020

Hoben Arubiano asesina na Hulanda

A hay’e ta drief den awa lora den bela di boto!

SIMAN PASA diamars autoridad Hulandes
a haya un curpa lora den lona procedente di
un zeil (bela) di boto y bon wanta cu duct-tape,

for di e “meer” Mooie Nel na Haarlem, na Hu-

landa. Polis a sali bisa cu a asesina e persona
ey, cu durante autopsia a resulta di ta un hen-
de homber.

A logra identifica e victima como Lindomar

Maduro, naci na Aruba, di apenas 31 aña di
edad. Segun Polis, e no tin un adres fiho unda
e ta biba.

Como cu siman pasa, dia 8 di april, no por a
identifica e persona, mester a haci un inves-
tigacion di DNA y busca den e banco di per-

sonanan desapareci. E siman aki a bin haya

un “match” cu ta cuadra cu e hoben Arubiano,
esta Lindomar Maduro.
Dia 8 di april personanan pasando den e area

a mira manera un saco di plastic ta drief. E

curpa tabata lora den lona y a uza duct tape
pa want’e.
E ultimo cos straño ta cu e hendenan den

becindario a mira un auto kima, pero den luna

di februari.
Polis a bay cu helicopter y cu boto special pa
por a saca e cadaver for di awa, pero cu ma-

sha poco informacion ni indicacion di kende e

victima lo ta. Durante autopsia por a saca afo
mesora cu ta un crimen, pero no kier bisa di
ki forma.

Su nomber original ta Lindomar, pero mayo-

ria hende ta yam’e Lindo Omar. Su famia ta
original di San Nicolas, pero awendia ta biba
na Shete, na Santa Cruz. E victima mes tin

hopi aña caba bibando na Hulanda.

Cu e realidad aki, awor Polis lo cuminsa un
investigacion profundo pa purba yega n’e so-

spechosonan responsabel p’e crimen aki. Pal-

abranan di condolencia na famia di e fayecido.
Cu Lindomar sosega na paz.

Riba e foto aki di Michel van Bergen por mira con a

haya e curpa bon lora na Haarlem