Page 16 - AHATA
P. 16
OFICINA DI TURISMO A REUNI
CU PARLAMENTARIONAN
4 March, 2018, 5:10 pm
Recientemente a tuma luga e prome reunion entre e Comision di Turismo di Parlamento y
Aruba Tourism Authority, riba invitacion di Comision di Turismo di Parlamento cu kier a
pasa riba diferente topico.
E reunion cu directiva di A.T.A. a tuma luga na nan propio sede y a repasa ampliamente
topiconan manera resultadonan di 2017, proyeccion y obhetivonan pa 2018, strategia en
general. Tambe a pasa riba resultado financiero proyecta pa 2017 y presupuesto pa 2018.
A.T.A. a tuma e oportunidad pa tambe amplia riba dos proyecto clave; ‘Business Plan’ di
A.T.A. pa 2018-2021 y e plan pa desaroyo di producto turistico ‘Cu Mira pa Futuro’.
