Page 20 - Aruparking sept 17 2015
P. 20
Trahadonan di Renaissance cu accion di
firma contra parkeermeter
Posted on 09/17/2015 10:23 am AST | Updated on 09/17/2015 11:11 am AST
ORANJESTAD – Un total di entre 500 pa 550 trahado, -di un total di 750-, di Renaissance
Hotel a participa den un accion di firma contra e situacion di parkeer cu a surgi cu e
entrada di e ‘parkeermeter’. Despues di un siman y mei di operacion, ta bisto cu e
trahadonan no ta nada contento cu e situacion, y nan a dicidi di vocifera esey. Gerente
general di Renaissance, Paul Gielen a confirma e accion na NoticiaCla.com y a mustra cu
nan ta sostene como gerencia, e accion aki. “E ta duro pa nan, e placa, e ora di parkeer,
inseguridad” Gielen a bisa.
SOSTEN TOTAL
Mientras cu e ta confirma e cifra di esnan cu a firma, e ta bisa cu esey no ta nifica
necesariamente cu e resto di e 750 trahadonan no ta sostene e accion. Gielen ta mustra cu
mientras cu no ta gerencia a inicia e proceso aki (e ta lidera pa dos trahado cu a organisa e
actividad di firma), gerencia ta sostene e accion y tin full comprension pa e situacion cu a surgi.
Mientrastanto NoticiaCla.com a compronde cu e intencion tabata pa bay parlamento cu e lista di
