Page 14 - flip min.social

MinSoc
http://masnoticia.com/minister-paul-croes-estudio-nacional-riba-norma-y-balornan-di-hobennan-
progesando/

Minister Paul Croes: Estudio nacional riba norma y
balornan di Hobennan progesando

 Feb 9th, 2015
 Local

Na fin di 2014, Minister di Asuntonan Social, Hubentud y Labor drs. Paul Croes a anuncia un estudio riba e norma y
balornan di nos hobenan di Aruba. E estudio aki ta avanzando den un forma positivo y resultadonan oficial di esaki
lo wordo entrega y publica na April 2015. A haci un inventarizacion di norma y balornan di nos hobennan unda lo
deduci for di e resultadonan di e estudio, kico realmente ta motiva nos hobennan aki na Aruba. Resultado di e prome
estudio nacional di e magnitud aki, lo tin un balor hopi grandi pa varios sectornan aki na Aruba.
E Minister encarga cu Hubentud a mustra cu sectornan hudicial, comercial, social, cultural y otronan lo mester mira
e resultadonan aki y traduci esakinan den maneho dirigi riba nos hobennan.
Por medio di e informacion valioso aki, lo por compronde nos hubentud miho. Tambe e rol di mayor y educadornan
lo bira mas cla pa nos hobennan. Minister Paul Croes a mustra cu tin varios programa dirigi riba nos hobennan, y e
estudio riba e norma y balornan di nos hubentud di Aruba lo mester apoya e programanan aki.
Universidad di Aruba ta e instituto responsabel pa ehecuta e estudio aki. Alabes lo traduci e resultado aki pa nos
comunidad. Na April di e aña aki e resultadonan lo ta conoci.