Page 9 - flip utilities

Dangui Oduber: Raad van Commissaris di WEB ta sinti cu
nan a haci bon di hedge pa 2 anja!

M onday, 30 March 2015 21:26
Comparti

E asunto di hedging ta uno serio y sumanente condenabel. Cu hopi asombro mi a tuma nota di
un reaccion di minister di utilidad y energia Sr Mike de Meza caminda e ta bisa cu Raad van
Comissaris di WEB ta para pa e decision cu a wordo tuma entorno hedging y cu nan ta sinti cu
nan a haci bon cu e decision cu a wordo tuma.
Mi ta kere ta mas na su lugar pa e minister y e raad van comissaris pidi pueblo un disculpa
publico pa loke a wordo haci cu e pueblo. Envez cu e raad van commissaris di WEB ta pidi
puebo un disculpa y ta reconoce nan error y asumi nan responsabilidad nan ta purba hustifica
un decision robez cu a wordo tuma y pa haci e sitacion mas peor aun nan ta bisa cu nan ta sinti
cu nan a haci bon. Ta increibel y imcompredibel con un raad van comissaris ta perhudica
henter un pais di e forma aki. Cu otro palabra e Raad van Comissaris ta duna di conoce segun e
delcaracion di minister De Meza cu e tawata un bon error apesar cu e feitenonderzoek mes ta
demostra lo contrario. Nan kier ta wrong and strong.
Bo por imaginabo cu Raad van Comissaris di WEB ta tuma un decision cu ta PERHUDICA
henter un pais y IMPEDI pueblo un reduccion di tarifa di coriente di por lo menos 25% anto
segun e Raad van Comissaris nan ta sinti cu nan a haci bon. Esaki ta mundo riba su cabez.
Esaki ta un crimen cu a wordo cometi contra pueblo cu ta costa nos pueblo mas cu 200 miyon
florin anto bo ta bisami bo ta sinto bon ta pasobra NAN NO ta sintie den nan cartera pero e
pueblo cu ta struggle tur luna pa paga su coriente si.
E asunto di hedging aki ta un di e crimennan mas grandi cu a wordo cometi contra nos pueblo.
Ora lesa e feitenonderzoek cu a wordo haci bo por conclui cu hamas y nunca por a tuma e
decision di bai sera un seguro pa un tempo asina largo. Segun e investigacion haci pa
Pricewaterhouse ningun pero ningun experto por a pronostica cu e prijs di bari di petroleo lo
bai subi of baha. Pero e ora e pregunta ta, a base di ki criteria a bai hedge toch? Kiko a conduci
pa tuma un decision asina catastrofal contra pueblo! Ningun hende den WEB no tawata tin e
expeticio y conocemento di hedging. Algun di nan a sigui un curso di 4 siman y awe nos tur ta
sinti e cosnequencia di e decision robez cu a wordo tuma aki. Di anja 2013 caba WEB ta
perdiendo placa cu hedging y toch a scohe pa sigui pa bai hedge y no pa hedge pa un termino
cortico manera ta usual sino pa un period abnormal. No ta pornada un miembro di Raad van
Commissaris ja a tuma su retiro. Cu e decision aki e ta confirma cu e decision cu a wordo tuma
ta uno robez.
Bo no por perhudica un pueblo, castiga di un pueblo, abusa di un pueblo anto despues bisa cu
bo ta sinto bon. E pueblo aki a wordo enganja, manipula cu gobierno aki lo bai baha e tarifa di
coriente pa nan cu 25%. Awe no solamente e tarifa no a baha sino awe e pueblo ta sufirendo na
man di e gobierno aki cu a caba di aumenta e tarifa na oktober 2014 cu 15% y awe e mesun
gobierno ta impeddiendo pueblo un reduccion di tarifa di 25%. Otro caminda na mundo henter