Page 68 - AHATA

“Mi ta kere simplemente cu ta bon pa e presupuesto tey. E mester tabatey masha tempo
(conforme 1 september)” Gradus a bisa noticiacla.com diabierna. “Aparentemente nan
(gobierno:red) tin mester di mas tempo pa keda cla cu ne” e presidente a bisa. “Ta
importante pa e tey lihe, y pa ta cla ki escohencia gobierno a haci y cu Parlamento a trata
esaki, pasobra mester tuma lugar un proceso di decision importante” Gradus a bisa. Riba
e pregunta di cu si e biaha aki atrobe CAFt ta bay tolera un prespuesto entrega despues di
15 di December, Gradus no a mustra mucho grado di tolerancia. A haci e pregunta a base
di e pensamento di gobierno di Aruba y e ley mes, cu ta bisa cu por lo menos, pa e fecha
ey, (15 di December), mester tin un indicacion sikiera den ki rumbo e presupuesto ta
bayendo, unda e ta y con ta para cu ne. Si esey ta e caso, anto e ora por ‘surpasa e fecha
di dia 15 di december’. Esaki a sosode na 2017 ora cu tabatin cambio di gobernacion, y
cu dificilmente por a spera cu e gobierno ‘nobo’ lo por a keda cla cu e presupuesto. E ora
ey CAFt a prolonga e deadline pa januari di e proximo aña. “Pero esey lo no mester
sosode aworaki, y no mester desea esaki tampoco”, Gradus a bisa. Mes momento Gradus
a bisa cu e no tin e impression cu esaki lo ta e caso.