Page 41 - HOSPITAAL

Luna di April ta un luna hopi crucial unda Parlamento di Aruba lo mester trata presupuesto 2018 y
aproba esaki prome cu 30 di April. No obstante ta debatiendo sanamente riba e crisis heffing di 2.5%
cual ta reparti den PPP heffing di 1.5% y BAZV di 1.0 % . Mester splica cu e desaster financiero ta

mucho mas grandi cu por a anticipa. 130 MIYON gasta extra den 2017. Ley di LAFT ta stipula na
artikel 14 lid 2 cu den 2017 mester a cera cu un deficit di -0.5% cual ta igual na -25 MIYON florin.
Esaki sinembargo e gobierno anterior no a alcansa y mester a presta 130 Miyon adicional pa cera e

buraco y fiesta cu Mike Eman y AVP a laga atras sin conta e proyectonan di PPP cual lo bay costa
pais Aruba 80.5 MIYON pa 20 aña largo pagando desde 2017 en adelante.

Beneficionan pa pueblo

Parlamentario Endy Croes durante e conferencia di prensa a accentua cu di banda di parlamento y

tambe di banda di Coalicion ta sondeando tur forma pa mitiga e dolor pa locual ta trata e cartera di
pueblo. Hunto cu e aumento di 2.5% Crisis heffing cual lo drenta na vigor 1 di Juli 2018 a reduci pa

pensionadonan e prima di AZV cu 4% esta di 10.5% esaki lo baha pa 6.5%. Otro aspecto cu desde
Parlamento nos ta pushando ta e aumento di e canasta basico. Actualmente esaki tin solamente 11
producto pero lo aumenta esaki cu mas cu 100% y kier yega inicialmente na 30 producto. Banda di

esaki lo introduci un “SWOT TEAM” cu tur autoridad pa por duna multa na esunnan cu faya. Tambe
e Parlamentario a declara cu mediante un mocion e lo kier reglamenta pa tur e productonan aki
mester ta visibel banda di cada cash register na supermercadonan. E proceso aki lo percura pa e

consumidor su placa por rende apesar di e crisis ( PPP) heffing.

Reduccion prijs awa y coriente

Un aspecto mas Croes a splica cu Fraccion di MEP ta bogando mediante Prome Minister pa logra
reduci prijs di Awa y Coriente cu 5 à 10% pareu cu introduccion di crisis (PPP) heffing esta 1 di Juli

2018 y asina esaki tambe refleha cu pueblo lo por carga e 2.5% pero na mesun momento no lo sinti
esaki den su cartera. Croes ta termina pidiendo Pueblo pa ban crusa e brug aki hunto y e plannan cu

nos tin pa crea cuponan di trabao den futuro cercano tambe lo alivia e dolor di pueblo y hunto nos lo
percura pa saca Aruba dilanti.