Page 41 - FDLP

Exitoso Torneo Internacional Di Ahedrez “Aruba

Chess Challenge 2019”

 Deporte
- 05/11/2019

Recientemente e Federacion di Ahedrez a organisa un otro torneo internacional di
ahedrez cu tabata un bez mas a resulta den un exito rotundo.

E torneo internacional di ahedrez; “Aruba Chess Challenge 2019” a tuma lugar den La
Cabana Beach Resort and Casino.

Pa varios aña caba Federacion di Ahedrez ta organisando e torneo internacional aki, cu e
biaha aki a conta cu participacion di Corsou y Hulanda.

E torneo Aruba Chess Challenge a wordo hunga den difetente categoria di edad manera
U12, U18 y tambe den Open.

Mester bisa cu nos atletanan di Aruba a logra haci un tremendo papel den e Aruba Chess
Challenge 2019 unda nos hungadornan a obtene varios prome lugar, mientras otronan a
logra cay den premiacion.

E torneo tabata bon bishita y sigur di un caliber y nivel halto. E bataya tabata fuerte entre
e tres paisnan participante.