Page 26 - DESPA

vacuna di Influenza ya caba for di mas o menos 1 aña pasa pero cu pa motibo fuera di

nan alcance cu a tuma lugar na e fabrica, e vacunanan no a

yega Aruba ainda. Sr. Ronald Geerman di Departamento di Enfermedadnan Contagioso

(DBZ) a informa cu vacuna di Influenza no ta manera otro remedinan cu tin un termino di

vencimento di 2 aña of mas,. E vacuna di Influenza su termino di vencemento ta di 1 aña

of menos y esey ta pone cu e proceso pa cu e pedido di e vacuna mester ta hopi trempan

pa asina PAHO por finalisa e pedido di e cantidad necesario di vacuna cu Aruba lo
mester. Ichelle Simon, Communicatie Adviseur di DVG a sigura cu Directie

Volksgezondheid lo avisa pueblo di

Aruba, den tur medio di communication, na momento cu e vacunanan di Influenza yega

Aruba pa asina cada un cu ta cai den e grupo di risico por pasa y busca esaki. Pa loke ta

trata e gruponan di risico, esakinan ta personanan mayor di 60 aña, muchanan bou di 2

aña y personanan cu un enfermedad cronico. Aki ta referi na personanan p.e. diabetico,

cu presion halto, problema cu higra, riñon y otro.

Mientrastanto loke pueblo di Aruba por a mira caba ta un campaña di conscientisacion

con pa preveni Influenza. Pa por haci esaki di un manera optimal, DVG ta recomenda tur

persona pa evita contacto cu un persona cu tin griep, ora di tosamento haci esaki den man

of paña y laba bo mannan bon. DVG no kier confundi pueblo, pero kier duna informacion

corecto. E vacunanan no a yega ainda, pero DVG ta spera nan den e prome simannan di

December. Manera aña pasa, DVG lo ta presente na differente lugar

strategico pa asina haci e trabow uno mas efficiente y aplica e vacunanan di

Influenza necesario. Ora cu ta asina lew, DVG lo anuncia e puntonan strategico aki y
tambe e orarionan cu lo ta disponibel pa pasa busca e vacuna. Ta importante tambe pa

informa cu e costo pa e vacuna di Influenza ta uno completamente gratis pa tur persona

cu ta cay den un catergoria di risico. Tur otro persona cu ta interesa pa haya un vacuna

contra Influenza, lo tin un costo di 15 florin. DVG ta pidi pa tur hende ta pendiente den e

dianan venidero unda cu lo anuncia oficialmente riba tur media social y medionan di