Page 30 - MIN VOS 28 JUNE 2017

No ta prome topico cu nos partido ta diferencia fundamentalmente cu e partidonan
contemporaneo akinan na Aruba. Riba e tereno di salubridad nos ta e unico partido cu a
mustra cu ta kere den decentralisacion di cuido medico di Aruba caminda cu e pashent
ta bira central, e pashent tin escogencia di por haya un servicio medico. E trato medico

aki ta worde amplia den e sentido cu kier ta hopi mas presente den e parti di
prevencion enbes di e parti curativo. Den e proximo dianan nos dilanti nos lo mustra
ainda mas e seriedad cu nos ta pone tras di cuido medico.

Mescos nos partido ta diferencia fundamentalmente riba tereno di pensioen unda cu
AVP ta indica cu e pensioenado mester keda traha sin busca pa sa cu e por of no, cu e
pagonan di belasting manera cu e ta actualmente, te cu edad di 65 aña. Mientras cu
partido MEP ta bisa cu pensioen mester bay back na 62 aña sin bisa con ta bay atende

cu e fondo y percura cu e fondo ta keda saludabel.

Oportunidad di escogencia pa e pensionado:

Nos di POR ta bisa cu mester crea oportunidad di escogencia cerca e ser humano cu ta
yega 60 aña. Pa e dicidi e momento ey con e ta continua su forsa laboral, con e ta bay
comparti esaki cu su pensioen y crea e flexibilisacion necesario, hasta cu e por dicidi na
cierto momento si e kier traha “deeltijd” despues di 60 aña.

E por dicidi e ora tambe cu e por traha te cu 68 aña mes si e ta sinti cu e por haci
esaki, e ta keda na dje pa dicidi si e ta bay cu pensioen completo of e ta traha den
combinacion cu cobra pensioen etc. E pensioen e ora ta worde cobra segun e

proporcion di e calculacion cu tin pa loke ta e pensioen cu un hende lo cobra segun e
metodonan cu ta worde uza, sin cu bo ta pone e fondo di pensioen na peliger.