Page 73 - MIN VOS 28 JUNE 2017

scoge pa traha na hospital. El a cuminsa traha den Eerste Hulp na e hospital
bieu cu tabata Hospital San Pedro de Verona y despues el a bay traha na Dr.
Horacio Oduber Hospital den sala di operacion. Na 1981 el a solicita pa bay na

Centro Medico San Nicolaas y a traha eynan te cu aña 1989, pero na 1987 el a
ricibi yamada di Departamento di Salud Publico y a tuma Norma Lacle 2 aña

prome cu el a dicidi di bay traha eynan pa motibo cu a lo largo e trabou di
warda a cuminsa bira pisa pa su persona. Pa custumbra cu e trabou nobo na

Jeugdgezondheidszorg a tum’e 1 aña, unda cu Norma a traha desde 1989 te cu
2008 ora cu el a baha cu pensioen. Jeugdgezondheid a pidi p’e traha mas

tempo, pero Norma a prefera di bay cas. Norma Lacle a duna un gran parti di su
bida laboral pa mehora salud publico aki na Aruba, den e diferente funcionnan
cu el a eherce.

Raul Wild tambe a traha na Departamento di Salud Publico den funcion di hoofd

verpleegkundige. El a termina su estudio di verpleegkundige A y B y el a traha
cu pashentnan cu tabatin problema cu salud di curpa tambe mental den sector

di psikiatria. Seccion Social Psikiatrico (SPD) a forma su tereno di trabou y un
tarea principal di Raul Wild tabata guia e pashentnan ambulante cu problema di

salud mental. Raul Wild a traha na Hulanda, pero no den hospital. E tabatin su
mesun oficina y tin biaha e tabata bay bishita su pashentnan na hospital. Na
Hulanda e no por a haci hopi cos pasobra no ta asina facil pa sali y bay bishita

pashentnan, mientras cu aki na Aruba e por a haci mas tarea y su experiencia a
engrandece, pero tambe e funcion den salud mental tabata mas amplio. E

tabata contento di tur loke el a haci y a indica cu cada trabou cu el a eherce
tabata diferente. Raul Wild a laga servicio di Departamento di Salud Publico na

aña 1990.