Page 49 - HOH
P. 49
Casonan di Coronavirus na Aruba a bira 60
April 3, 2020
- Advertisement -
Update di diahuebs merdia
*5 caso nobo y 1235 persona den cuarentena
ORANJESTAD (AAN): Diahuebs merdia, durante e update pa loke ta Coronavirus na
Aruba, Jurette Croes, Communicatie Adviseur di Departamento di Salud a laga sa cu
Aruba a conoce e di 60 caso di COVID-19. Esaki kiermen cu a bin 5 caso nobo acerca.
Croes a indica cu e cifranan te na e momento ey tabata asina: 60 caso positivo, 744
caso negativo, 806 test haci. Tambe a bisa cu tabata tin 1 caso pendiente y 1 caso
inconcluso.
Pa loke ta Cuarentena, e cantidad di personanan cu mester ta na cas siguiendo cu tur e
medidanan di prevencion y isolacion ta 1235, e momento ey.
E edad minimo y maximo pa loke ta contagionan ta entre 11 aña y 74 aña. Na mesun
momento, Jurette Croes a señala cu e genero di e personanan contagia te cu diahuebs
merdia tabata 31 hende homber y 29 hende muher.
http://www.diario.aw/2020/04/casonan-di-coronavirus-na-aruba-a-bira-60/
