Page 30 - AM241004

30 COMUNIDAD AWEMainta Diabierna, 4 October 2024

Durante e siman di “Green and Clean” di De Schakel College

Aruba Bank y Impact Blue ta promove Economia Circular

ARUBA Bank y Impact Blue a uni forsa un
biaha mas durante De Schakel Colege su siman
di “Green and Clean”, ofreciendo un presenta-
cion interesante y interactivo tocante e tema

di Economia Circular. E iniciativa aki ta parti di
e programa TTO (educacion multilingual) di
De Schakel College, cu ta enfoca na desaroyo
personal di e studiante, ciencia di sostenibilidad,

y e importancia di accionnan colectivo.

Durante e siman aki, 71 studiante cu ta varia entre
edad di 12 y 13 aña, a participa den diferente

actividadnan enfoca riba sostenibilidad, incluy-
endo proyectonan di arte di material recicla,
creacion di terrarium, y sesionnan informativo
tocante polucion di plastic y veganismo. Ademas

di tur esaki nan a siña e rol esencial di naturalesa
pa crea un medio ambiente sostenibel.

“Traha cu De Schakel College pa inspira e futuro

generacion tocante e importancia di Economia
Circular ta un experiencia hopi special, “Roxanne
Croes, Senior Marketing Officer a comparti.
“Nos ta kere cu educando nos hobennan tocante

sostenibilidad awe, lo logra un futuro mas
sostenibel pa Aruba”, Juliet Carvahal a subraya.