Page 38 - AM241004
P. 38
38 AWEMainta Diabierna, 4 October 2024
Tuna Boats
TUNA Boats ta un receta simpel, saludabel
y perfecto pa un cuminda light of un appe-
tizer refrescante. E receta aki ta combina e
frescura di e berdura cu e sabor dushi di e tuna,
creando un opcion abao den carbs cu ta rapido
di prepara y personalisabel segun e gustonan.
Ideal p’esunnan cu ta busca un opcion rapido y
nutritivo.
Ingrediente:
2 bleki di tuna den awa (scori)
1 cuchara di mayones (bo por ahusta e cantidad
na gusto)
1 telep di mosterd
1 taki di selder (corta chikito)
¼ siboyo cora (corta fini)
1 telep di juice di lamunchi
Salo y pepper na gusto
2 concomber of 2 promenton grandi (corta na
mita y sin simia)
Peterselie of cilantro fresco (pa decora, opcional)
Instruccion
1. Den un comchi, mescla e tuna scori cu e
mayones, mosterd, selder, siboyo cora, juice di
lamunchi, salo y pepper. Mescla bon te ora cu tur
e ingredientenan ta combina.
2. Laba bon e concombernan of promenton y
corta nan na mita den largo. Si bo ta uzando
concomber, bo por kita un poco di e pulpa (carni)
cu un cuchara pa traha espacio p’e reyeno.
3. Yena e mita di e concombernan of promenton
cu e mescla di tuna.
4. Decora cu peterselie of cilantro fresco si bo ta
desea.
5. Sirbi inmediatamente y disfruta.
Un receta facil y versatil cu sigur lo bo e encanta
tur hende.
