Page 36 - HOH
P. 36
Coronavirus COVID-19 lo bira un
pandemia segun WHO
26 February, 2020
Diaranson tardi den un sala basta yena cu miembronan di prensa,
Departamento di Salud Publico a tene un conferencia di prensa pa trece e ultimo
desaroyonan rond di e virus COVID-19. Departamento di Salud Publico ta
tumando nota di hopi articulonan cu ta sali riba medionan di comunicacion
sociaal cu tin biaha e contenido no ta cuadra totalmente. P’esey ta importante
pa tuma nota di informacion cu ta sali for di instancianan di salud oficial.
E virus di COVID-19 enberdad ta plamando pa diferente region rond mundo y
World Health Organizacion recientemente a manda un alerta global unda ta
pronostica cu e virus lo bira un pandemia. Un pandemia cu lo afecta entre 40%
pa 70% di mundo. Esaki ta nifica cu Aruba no lo ta un exepcion. Nos tambe lo
