Page 47 - HOH

DVG: No ta cuestion di si coronavirus ta

yega Aruba, sino ki ora

Posted on 02/26/2020 4:54 pm AST | Updated on 02/26/2020 4:54 pm AST

ORANJESTAD – No ta cuestion cu si e coronavirus ta yega Aruba sino ki ora. Asina e
representante di departamento di salud Jurrete Croes a informa den un conferencia di
prensa diaranson riba e tema menciona. Algun siman ainda e hefe di e departamento di
malesa contagioso, a bisa tambe cu no por para e virus di drenta nos isla, sino cu nos
mester ta prepara p’e. Segun e expertonan diaranson, Aruba no tin caso ainda y ta prepara
pa cualkier eventualidad.

PANICO

Loke ta haci cu mester duna conferencia riba e tema segun e epidimiologo Wilmer
Salazar, ta cu tin un panico danki na rednan social, creando e impression cu esaki ta un
atake bioterorismo, siendo cu esey no ta e caso. E ta un virus poco conoci, y esey ta haci
cu hende por crea un ‘chaos innecesario’. E intencion ta pa crea trankilidad, cu
informacion corecto, y mustra cu e panico pa cu e virus aki, no ta necesario. A mustra cu