Page 6 - AM230801

6 LOCAL AWEMainta Diamars, 1 Augustus 2023

Narco nan sumamente activo:

Cargamento grandi di droga ta sigui drenta via costa

ialuna den oranan trempan di mainta, alarma
Da wordo bati na momento cu na costa norte,
un testigo lo a mira un of mas hende cargando

un jeep cu bultonan parecido na droga. Tipo di
accion nan aki ta masha comun ya pa añas.

E testigo mesora a avisa polis y a informa cu e

jeep lo a sali bay for e area di Boroncana. Mesora
varios unidad di polis a bay na e sitio, entre otro
recherche di e team di departamento di droga.
Den lama por a mira un cantidad di pakete ta

drif.

Helicopter di polis tambe a wordo manda direc-
cion di Noordkust y en berdad a mira varios

pakete den lama. Pa basta rato e helicopter di
polis a keda bula riba e rand di costa pa mira si
por tin mas pakete mas leu di Boroncana pero
aparentemente no a haya mas.

Kustwacht a wordo pidi pa bay den e area di
Boroncana na Noordkust pa piki e paketenan cu
a keda drif den lama.

No ta conoci cuanto droga a drenta marduga pa
mainta y ni tampoco cuanto auto lo por a bay
caba cu droga, prome cu e testigo atento a mira
con nan tabata carga e jeep.

Segun informacion inoficial autoridad lo ta riba
un bon pista caba y no lo dura hopi pa nan lo por
bay pone man riba e supuesto narcos nan aki.

Cargamentonan grandi manera esaki ta rekeri
inversionnan cuantioso di placa, pues aki nos ta
papia di Narconan grandi.
Lamentablemente mester bisa si cu ya pa añanan

largo bo no ta tende mes mas cu ta gara esnan
responsabel pa drenta e kilonan aki distribui e
isla completo.
E ta mas cu obvio, cu aki no ta trata di e stereo

type cu ta bisti slof y tin un tas ta colga na banda
y ta core un Nissan March.