Page 8 - 13Feb2023

PAGINA 8 DIARIO DIALUNA 13 FEBRUARI 2023
Publico a goza inmensamente

di Jouvert Morning

ORANJESTAD (AAN): Diasabra marduga tabata comosifu-
era ta henter Aruba a acudi pa bay busca e mihor ambiente di
Carnaval 2023 na e evento di Jouvert Morning.
Di trempan caba tabatin hendenan cu a posiciona nan mes a
lo largo di e ruta, preparando pa yegada di e parada aki, cu e
biaha aki a wordo considera como uno inolvidable. Esaki ta
bin principalmente debi na e hecho cu desde 2020 no tabatin
Jouvert Morning mas pa motibo di cancelacion debi na Pan-
demia di Covid.
Hendenan a yega cu nan trahe special di pijama, pa asina
jump riba musica alegre di Carnaval, cu a start 3:55 am y a
finaliza te 9:00 am. Otronan a baila riba musica suave di Soca
cu a pone nan goza di e ruta di 3 kilometer. E gozo tabata
total. Groove Masters cu un fenomenal sonido a haya masha
hopi hende rond di nan trailer. Mesun cos a nota a socede cu
Tsunami tambe.
E sistemanan di musica y banda riba caya tabata Grill 21
Sound System, Groove Masters, DJ Diablo & Friends, Tsu-
nami, y Mike’s Disco. Riba combinacion di potret por mira
mas di e actividad aki.