Page 16 - FDLP

bon. E prijs ta bon pa esnan cu kier purba hunga den un evento di poker oficial. Segun e

hungado, e organisadonan a haci un hopi bon trabao pa un prome impacto y e ta pensa cu

pa otro aña e cantidad di hungado por redobla.

RICHARD TROENDLY

Richard Troendly ta un hungado di poker cu a bin pa prome biaha Aruba pa hunga poker.

El a comenta cu tur hende ta hopi bon y su ricibimento na hotel tambe ta mesun cos, hopi

bon. E torneo riba su mes tabata un tremendo evento. El a sigui comenta cu e y algun

amigo a mira e circuito y un di e stopnan tabata Aruba. Nan a dicidi pa bayx hunga

WSOP na Aruba. Nan a bin y tur cos tabata mas cu loke nan a spera. Y el a gana tambe,

cual ta un plus. Fuera di esey e tabata un experiencia hopi bon. Pa loke ta Aruba mes, ta
un luga hopi bon, hopi safe y definitivamente lo bin bek tur aña pa resto di su bida. Asina

bon su experiencia tabata.

RONNIE BARDAH

Entre e hungadonan profesional tin Ronnie Bardah, kende ta un hungado cu a gana basta

placa den 5 torneo di World Series of Poker. Y ya e ta biniendo hopi biaha pa Aruba, cu
ya el a stop di conta. E ta practicamente un ciudadano honorario caba. El a bay tur rond

den Caribe, for di Barbados, pa Bahamas, di Puerto Rico pa Republica Dominicana. El a

bay tur caminda y no tin nada manera Aruba. P’e e hendenan ta asina amigabel. No ta por

nada e ta un “One Happy Island.” Si bo kier bay fiesta, bo por. E cumindanan ta miho cu

tur otro caminda den Caribe. Bo por haya tur clase di cuminda, for di Italiano pa

Hapones. Bardah ta conta cu e stima e luga y e tin confiansa den Aruba. E por hasta biba

aki, el a menciona y e ta sintie como su di dos cas.