Page 27 - AM240923

Dialuna 23 september 2024 AWEMainta COMUNIDAD 27

Celebrando inclusion
Nos ta den Siman Internacional di

persona cu problema auditivo

TUR aña, desde 1958, ta celebra e Siman Internacional di
Personanan cu problema auditivo of persona sordo, den e
ultimo siman di september.

Su obhetivo ta promove inclusion di persona cu problema
auditivo y sordera cronico comotambe concientisa riba nan
realidad y e importancia di deteccion tempran di trastorno

auditivo cerca e recien nacinan.

Oido ta crucial den e desaroyo cognitivo, ya cu ta facilita e
aprendisahe di lenguahe.

E personanan sordo ta structura nan idea di manera dife-

rente, loke por afecta nan integracion social. Sinembargo,

nan ta igualmente capaz y util.

Durante e siman aki, ta fomenta e aprendisahe di e lenga
di seña propio di cada pais. Como tambe ta existi diferente

idioma, cada nacion tin nan propio codigo p'e personanan
sordo comunica. Siña e lenguahe di seña mester ta un meta
impulsa p'e gobiernonan, mescos cu e aprendisahe di otro
idioma y e preservacion di e tradicionnan cultural.

E Organisacion Mundial di Salud (WHO) tambe ta uza e siman
aki pa sensibilisa riba hipoacusia, un trastorno auditivo cu
ta afecta cinco di cada mil mucha na mundo. Hipoacusia

leve pa coregi si e wordo diagnostica den e prome lunanan
di bida, ora cu e conductonan auditivo ta desaroyando.

E intervencion tempran y rehabilitacion ta crucial. Pa

hipoacusia profundo of severo, implante of audifono ta solu-
cion efectivo cu ta permiti e muchanan tin un bida normal.

E miho manera pa celebra e siman aki ta participa den activ-

idad organisa pa diferente ONG, den e caso di Aruba, di
Quota Club cu ta celebra e siman di Kibra Silencio.

E iniciativanan aki no solamente ta promove inclusion di

persona sordo, sino tambe ta crea un ambiente pa siña
lenga di seña, interacta cu e hobennan sordo y compronde
nan realidad diario.

Esaki lo yuda mehora nan calidad di bida y integracion den
sociedad, mas leu di nan condicionnan auditivo.