Page 72 - MIN.ON 16 OCT,2015

Estudio ta mustra 1 di cada 2 mucha ta
wordo geter (bully)

Posted on 10/16/2015 12:45 am AST | Updated on 10/16/2015 12:47 am AST

ORANJESTAD - Un estudio realisa pa Telefon pa Hubentud 131, Central Bureau di Estadistica
(CBS) y SKOA a mustra cu e situacion na Aruba pa locual ta "bullying" ta preocupante.
Compara nos cifranan cu Hulanda y Merca, Aruba su indice di termento ta mas halto. "Un
estudio cu a sali for di un coperacion importante entre e tres organisacionan aki. Un ehempelpa
henter e tereno social siguramente. Un estudio cu ta duna nos e informacionan necesario pa crea
maneho dirigi riba e prevencion y consientisacion contra termento na scol y den nos comunidad",
Minister Paul Croes di Hubentud a bisa."Nos muchanan merece proteccion na unda cu nan ta.
Nan derechonan mester wordo respeta segun tur ley y tratadonan internacional.
Lamentablemente termento ta keda kibra e derechonan aki di nos muchanan. Y nos mester hunto
sigi bringa e fenomeno aki", Minister Paul Croes a bisa. Minister Paul Croes (Asuntonan Social
y Hubentud) hunto cu su colega Minister Michelle Hooiboer Winklaar (educacion) a presencia e
resultado di e estudio y e programa cu diferente maestronan a sigui pa asina combati e fenomeno
di "bullying" na scol.56% di muchanan a mustra di ta wordo geter na scol. Tambe e resultado di
e estudio a mustra cu no ta solamente dor di otro muchanan sino tambe dor di un adulto nan ta
wordo geter (20%). "Mi ta kere cu si nos kier sigi baha e cantidad di muchanan cu ta wordo
geter, mayornan for di cas mester siña nan juinan riba e consecuencianan negativo cu termento
tin riba e victimanan. Tin casonan conoci cu resultadonan fatal pa motibo di bullying, y esaki nos
mester sigi combati y preveni. Pabien na CBS, TpH y SKOA cu tremendo programa contra
termento", Minister Paul Croes a conclui.

http://www.noticiacla.com/news/4169