Page 22 - AweMainta

22 AWEMainta Dialuna, 30 November 2015

Partido MEP ta
mira atras riba
un campaña di
belasting hopi
exitoso

MANERA ya a bira custumber, e aña aki tambe partido MEP

bou liderasgo di sra. Evelyn Wever-Croes a tene un campaña
pa yuda cu yenamento di formulario di belasting, sumamente
exitoso. Den total a yuda mas di 500 persona, yenando mas
di 700 formulario, y trahando varios otro tipo di carta. Esnan
cu a acudi na Cede di MEP a wordo atendi p’un equipo di 11
voluntario, tur experto rib’e tereno di belasting. Nan por a
combersa cu Lider di MEP y e candidatonan cu tabata tey
presente.

Un danki di curason ta bay na tur cu a duna nan aporte p’e
campaña aki ta exitoso un biaha mas.
Parlamentarionan di Corsou cu tabata na Aruba pa un
reunion, tambe a probecha di acudi na Cede pa mira con e
campaña ta wordo organisa, y nan a hib’e concepto Corsou
pa aya tambe bay ehecut’e.

E ultimo dia pa entrega bo formulario ta diamars awor, 1 di
december. Si ainda bo no a yena bo formulario, ta bon pa
bo pidi extension «uitstel» no mas tarda cu diamars awor
1 di december.Esnan cu NO yena nan formulario y NO pidi
extension, ta bay paga dimas belasting. Pa cuminsa bo ta haya
un multa, y riba dje e Inspector mes por calcula bo entrada
pa bo y usualmente nan ta calcula esaki mucho mas halto di
locual cu e ta.

Finalmente tin e chens tambe cu nan ta entrega keho na
Ministerio Publico of haci un investigacion penal si bo no
entrega bo formulario. Tur esaki ta motibo di sobra pa bo
yena bo formulario na tempo. Paga belasting ta deber di nos
tur, pero no paga dimas belasting!