Page 52 - ARUBA BANK

42 Djamars 22 Mei 2018

Kontinuashon di pagina 11
Banco di Caribe

servisionan ‘online’, ku
mandamentu di SMS na
momentu di transakshon,
tambe introdukshon di
‘chipcards’ pa hasi uso di
produktonan elektróniko.
I Banco di Caribe a invertí
sumanan kuantioso pa a
hasi esaki posibel.
Pero e invershonnan i
tambe e desaroyonan aki
a krese aun mas despues
ku na 2006 Grupo Ansari
a tuma over ku mayoria
dje akshonnan den Banco
di Caribe. Den transkurso
di añanan, sirbiendo
komunidat di Kòrsou, Banco
di Caribe a demostrá na
un kantidat di okashon ki
gran nifikashon e pueblo di
Kòrsou tin pa e institushon
aki.
Aporte
Segun e direktor, for
di un komienso Banco di
Caribe a duna su aporte na
hopi proyekto ku a kontribuí
na desaroyo ekonómiko
di nos pais, pero tambe
proyektonan pa a yuda
diferente organisashon den
komunidat. Proyektonan
riba tereno hubenil,
proyekto pa grandinan,
proyektonan di karakter
deportivo i tambe kultural.
Tur esakinan tabata
proyektonan ku Banco
di Caribe a sostené den
forma di donashon òf ku
‘sponsorship’.
Futuro
Pa loke ta futuro di e
banko, sr. Simon a deklará
ku e intenshon ta pa bai
fortifiká e posishon di
Banco di Caribe den e
diferente merkadonan unda
e ta aktivo. Lo kontribuí
na desaroyo ekonómiko,
prinsipalmente na bienestar
di hendenan lokal lo keda ta
un punto sentral den futuro
di Banco di Caribe.
Na final di su diskurso e
direktor a gradisí koleganan
empleado aktual i tambe
esnan ku a laborá den
pasado i ku a yuda ku te
awe e banko ta aktivo.
Tambe un gradisimentu a
bai na klientenan di e banko
pa e konfiansa ku a keda
depositá den e institushon
durante 45 aña.

aviso@extra.cw