Page 107 - MIN VOS

Royal Power Tat Fat Home Depot ta “sweep” Spuiters pa
keda na promer lugar

Wednesday, 19 July 2017 16:29
1

Comparti

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y
Eugenio “Tan” Helder a continua riba veld di Dragon Hitters. Diadomingo ultimo den categoria AA
masculine e equipo di Royal Power a midi forza contra e fuerte equipo di Henk Arnold esta Spuiters.
Royal Power mester a soda hopi pa kita e promer wega di Spuiters cu score di 9-7 den un tremendo
partido.

Jair Thompson ta cubri henter e rura regalando 5 base por bola permitiendo 8 imparable pa bay cas cu e
victoria. Henk Arnold himself por mira atrás riba un tremendo actuación permitiendo 10 hit y regalando
1 base por bola pero mester conforma su mes cu e derota. Royal Power 9 careda, 10 hit, 1 error. Spuiters 7
careda, 8 hit, 1 error. Mihor bateadornan pa Royal Power ta Eldrick Dijkhoff 2-1 cu un homerun den
parke, Jomark Flanegin 3-2, Jonathan Ramada, Guyon Cannister, Aigil Brete y Giandric Lacle tur di 2-1.
Pa Spuiters a luci na plato Richard Krozendijk y Henk Arnold di 1-1, Deick de castro 3-2, Yhoan Ruiz di
2-1. Den e di dos wega di atardi Royal Power ta gana su di dos partido derotando Spuiters un biaha mas
9- 4. Jomark Flanegin ta resulta pitcher ganador mientras Angelo Arnold ta bay cas cu e derota. Royal
Power 9 careda, 13 hit, 0 error. Spuiters 4 careda, 8 hit, 3 error. Mihor bateadornan pa Royal Power Tat
Fat ta Luis Pelayo 4-3, Franco Wouters, Jair Thomspon y Gregory Krosendijk tur di 3-2. Kenny Hart 4-2.
Pa Spuiters Walfredo Wester 3-3 y Deyon Peterson di 4-2. Cu e resultado aki Royal Power ta posiciona su
mes solido na promer lugar sigui pa Balashi Premuim na segundo lugar. Royal Power lo enfrenta Balashi
Premuim diabierna awor 21 di Juli cuminsando pa 715pm na veld di Flatstone den un tremendo clash.
Softball a la carga!!