Page 89 - MIN VOS

Deportistanan di Pony League: Laga politica afo di deporte

Wednesday, 19 July 2017 20:57
1

Comparti

Actualmente representantenan di Pony League a reuni cu prome minister. Miguel Thiel kende ta
representando Pony League 17/18
, a splica cu nan a bin aclarea algo riba loke nan a scucha den social media, pasobra nan a hinca
politica den esaki. E grupo di hungadornan tabata hunto y Miguel Thiel a duna opinion y pensamento
di e grupo pa aclarea cualkier mal pensamento riba nan.
Tin hende cu ta den politica den e liga, pero kier laga politica afo y kier demostra nos pais den World
Series na Santa Clara, California.
Nan kier yega na un solucion y a keda contento cu e resultado y cu nan lo traha duro pa yega na World
Series.
E team ta contento
E discusion sigur a afecta e team. Tin hende ta papia cosnan cu nan no mester papia. E team a bin
aclarea cu nan no ta di acuerdo y cu nan kier laga politica for di deporte. Pero por lo general nan ta
contento cu e resultado.
Cuanto wega
Si ta bon, si nan gana tur wega, nan ta hinca cinco maximo 6 wega den World Series.
Con bon prepara nan ta
E team ta hopi bon prepara y cu hopi smaak pa saca cara. Nan meta ta pa coy campeon. Thiel ta hopi
sigur cu nan lo logr’e tambe.
Un spot diferente
Thiel a comenta cu e ta sinti cu nan ta den un spot diferente. El a sinti su mes tristo cu nan a hinca
politica y a haya poco miedo cu nan no lo yuda e team mas. Loke a wordo papia awe, e ta sigur cu nan
lo yuda nan.
Ultimo biaha ta casi mesun team a bay. E team aki e team di 16/17 a crece y a bay bek y sigur nan a bay
hopi bon prepara. Nan a keda un poco tekort na semifinal, pero e aña aki si nan ta bay duro.
Casi cla
Pa Pony League World Series, nan lo ta biahando pa dia 1 di Augustus.
Costo
E team a pidi yudansa y a yega na 25 mil florin cu lo wordo parti den dos esta pa esnan di 15/16 y
17/18. Awor aki nan ta buscando sponsor pa asina sigui yuda nan.
Tambe nan a ricibi yudansa di Gobierno pa nan por cumpli cu nan meta di bay World Series.